Պայթյուն՝ Ռուսաստանում․ կան զոհեր

Նիժնևարտովսկում կենցաղային գազի պայթյունի հետևանքով չորս մարդ է զոհվել, РИА Новости-ին հայտնել են ԱԻՆ մամուլի ծառայությունում։

Քաղաքային իշխանությունները հայտնել են, որ տուժածների թիվը հասել է տասի։

Նշվում է, որ պայթյունը տեղի է ունեցել տեղական ժամանակով մոտ 18:06-ին Միրա փողոցի բնակելի շենքում։ Փլուզվել են երկրորդ և երրորդ հարկերի առաստաղները։

Արտակարգ իրավիճակների նախարարությունը նշել է, որ փրկարարները ժամանել են պայթյունից չորս րոպե անց։ Տնից տասը մարդ է փրկվել, 52-ը ինքնուրույն էվակուացվել։ Ներկայումս տեղում աշխատում է 109 մարդ և 30 միավոր տեխնիկա։

Քաղաքապետը մանրամասնել է, որ, ըստ նախնական տեղեկությունների, տանը գազի բալոն է պայթել։ Շենքը գազաֆիկացված չի եղել։