Միլա Յովովիչը լուսանկար է հրապարակել երեք դուստրերի հետ

Դերասանուհի, մոդել Միլա Յովովիչն իր անձնական բլոգում հազվագյուտ լուսանկար է հրապարակել երեք դուստրերի հետ։ Նա նշել է, որ իրենց հաջողվել է անել գրեթե անհնարինը։

«Մեկ լուսանկար։ Բոլորը ֆոկուսում են։ Ես դա կանվանեի հաղթանակ։ Բոլորը միաժամանակ սինխրոնիզացվել են։ Իմ ավագը նույնիսկ օգնում է կեցվածք ընդունելիս, որպեսզի ընդգծվի իմ լավագույն կողմը: Շնորհակալ եմ Էվերին ինձ միշտ աջակցելու համար»,- գրել է արտիստը։

Աստղի հետևորդները նշել են, որ երեխաները շատ նման են նրան. «Բոլոր աղջիկներն այնքան նման են քեզ», «Այս կադրում ամեն ինչ Միլայի պատճենն է», «Ուղղակի Միլան, բայց տարբեր տարիներին» , «Ես միայն քեզ եմ տեսնում, Միլա, կյանքի տարբեր փուլերում», «Ինչքան գեղեցիկ ու նման եք իրար», «Մայրիկի պատճենները, գեղեցկուհիներ»,- գրել են նրանք։

Միլա Յովովիչը երեք երեխա է լույս աշխարհ բերել անգլիացի կինոռեժիսոր Փոլ Անդերսոնից՝ նրանց ավագ դուստրը Էվերը 15 տարեկան է, միջնեկը՝ 7 տարեկան, իսկ կրտսեր դուստրը երկու տարեկան է։