Մունդիալ-2022. Նիդերլանդների ընտրանին հաղթեց Սենեգալին

Ֆուտբոլի աշխարհի առաջնության A խմբում կայացավ առաջին տուրի Սենեգալ-Նիդերլանդներ հանդիպումը:

«Արմենպրես»-ի հաղորդմամբ` Կատարի մայրաքաղաք Դոհայի «Ալ Տումամա» մարզադաշտում կայացած խաղի առաջին կեսում թիմերն այդպես էլ չիրացրեցին իրենց հնարավորությունները, թեպետ երկու հավաքականները մի քանի լավ առիթներ ունեին բացելու խաղի հաշիվը: Վիճակագրությամբ էլ թե Սենեգալը, թե Նիդերլանդները հավասար էին տիրում գնդակին:

Երկրորդ խաղակեսում Նիդերլանդների ընտրանին վիճակագրությամբ չնչին առավելություն ստացավ: Հանդիպման վերջնամասում` 84-րդ րոպեին, Կոդի Գակպոն խփեց առաջին գնդակը, իսկ վերջին րոպեին Նիդերլանդները խփեց նաև երկրորդ գնդակը: Գոլն իր ակտիվում գրանցեց Դեյվ Կլասսեն:

Սենեգալ-Նիդերլանդներ՝0:2:

Այս խմբում` նոյեմբերի 20-ին կայացած խաղում Էկվադորի հավաքականը Մունդիալի բացման խաղում հաղթել էր Կատարին 2:0 հաշվով:

A խմբի երկրորդ տուրում Կատարի հավաքականը նոյեմբերի 25-ին կխաղա Սենեգալի, իսկ Էկվադորը նոյեմբերի 26-ին` Նիդերլանդների հետ: