на Русском
Նախարար Դավիթ Խուդաթյանը ծանոթացել է Նոր Հաճն... 
Արդարադատությունը ոչ միայն պետք է իրականացվի,... 
Իրանը շուտով եւս մեկ ներքին արբանյակ կուղարկի տիեզերք
Իրանը շուտով տիեզերք կուղարկի եւս մեկ ներքին արբանյակ, որը կոչվում է Նահիդ, Tasnim լրատվական գործակալությանը տված հարցազրույցում ասել է Իրանի տեղեկատվական եւ կապի տեխնոլոգիաների նախարար Էիսա Զարեփուրը։
«Արբանյակը շուտով կարձակվի, եւ մենք փորձում ենք այն տիեզերք արձակել այս տարի (մինչեւ 2023 թվականի մարտի 20-ի վերջը)»,- ասել է նա։
Նախարարը խոսել է նաեւ Ռուսաստանի հետ Իրանի համագործակցության մասին՝ ասելով, որ տիեզերական ոլորտում Ռուսաստանի հետ համագործակցությունը շարունակվում է։
«Մենք պատրաստվում ենք կառուցել «Խայամ»-ի երկրորդ, երրորդ եւ չորրորդ տարբերակները, եւ Ռուսաստանի հետ համագործակցության քառամյա երկարաժամկետ ծրագիր ունենք», - նշել է Զարեփուրը:
Իրանը օգոստոսին ուղեծիր է դուրս բերել իր «Խայամ» արբանյակը: Արբանյակը տիեզերք է ուղարկվել Ղազախստանում Մոսկվայի «Բայկոնուր» տիեզերակայանից՝ «Սոյուզ 2.1 Բ» հրթիռի միջոցով:
Իրանը հայտարարել է, որ կօգտագործի «Խայամ»-ի նկարները՝ վերահսկելու Իրանի սահմանները եւ կառավարելու ու ծրագրելու գյուղատնտեսությունը, բնական ռեսուրսները, բնապահպանական խնդիրները, հանքարդյունաբերությունը եւ բնական աղետները:
