Ֆիլիպինները հանել է Սաուդյան Արաբիա աշխատողներ ուղարկելու արգելքը

Ֆիլիպինները հանել է Սաուդյան Արաբիա աշխատողներ, այդ թվում՝ սպասուհիներ եւ շինարարներ ուղարկելու արգելքը, հայտնում է AP-ն։

Արհմիության պաշտոնյաները մեկ տարի առաջ դադարեցրել էին աշխատողներին նավթով հարուստ թագավորություն ուղարկելը՝ խախտումների, ներառյալ հազարավոր ֆիլիպինցի շինարարների աշխատավարձերը չվճարելու եւ կորոնավիրուսի սպառնալիքի պատճառով:

Սյուզան Օպլան, որը ղեկավարում է երկրի միգրանտների հարցերով նորաստեղծ վարչությունը, ասել է, որ Սաուդյան Արաբիայի պաշտոնյաների հետ ամիսներ շարունակ ընթացող բանակցությունները հանգեցրել են լրացուցիչ երաշխիքների վերաբերյալ համաձայնության, ներառյալ ստանդարտ աշխատանքային պայմանագրերի ընդունումը, որը ապահովագրական ծածկույթ է ապահովում աշխատողների համար աշխատավարձը չվճարելու դեպքում եւ թույլ է տալիս նրանց չարաշահումների դեպքում փոխել գործատուին։

Ավելի քան 189 000 ֆիլիպինցի աշխատողներ 2019 թվականին մինչեւ կորոնավիրուսային համավարակի սկսվելը ուղարկվել են Սաուդյան Արաբիա: Ֆիլիպինցի աշխատողների համար այլ հայտնի ուղղություններ են Միացյալ Նահանգները, Սինգապուրը, Ճապոնիան, Արաբական Միացյալ Էմիրությունները եւ Մեծ Բրիտանիան:

Օպլան ասել է, որ Սաուդյան Արաբիայի պաշտոնյաներն այս ամիս կայցելեն Ֆիլիպիններ՝ ֆիլիպինցի աշխատողների աշխատավարձի համատեղ վերանայման համար, եւ կվերսկսեն քննարկումները 2016 թվականից հազարավոր ֆիլիպինցի շինարարներին չվճարված աշխատավարձերի վերաբերյալ բողոքների շուրջ: