Բորիս Ջոնսոնը որոշել է չառաջադրվել Մեծ Բրիտանիայի վարչապետի պաշտոնում

Մեծ Բրիտանիայի նախկին վարչապետ Բորիս Ջոնսոնը չի մասնակցի իշխող Պահպանողական կուսակցության ղեկավարի և կառավարության ղեկավարի ընտրություններին, հաղորդում է Sky News-ը՝ վկայակոչելով քաղաքական գործչի հայտարարությունը։

Sky News-ի տվյալներով՝ Ջոնսոնը ստացել է միայն 59 պահպանողական պատգամավորի աջակցությունը, սակայն մրցավազքը շարունակելու համար նրան անհրաժեշտ է եղել հավաքել 100 մարդու աջակցությունը։ Սակայն ինքը՝ նախկին վարչապետը, ասել է, որ «հաղթահարել է 102 ձայնի շատ բարձր շեմը», սակայն եզրակացրել է, որ «հիմա պարզապես առաջադրվելու համար ճիշտ ժամանակը չէ»։

Ջոնսոնը լքել է Մեծ Բրիտանիայի վարչապետի պաշտոնը հուլիսին մի շարք սկանդալներից և 11 նախարարների, ինչպես նաև բրիտանացի մի քանի տասնյակ բարձրաստիճան պաշտոնյաների` փոխնախարարների, խորհրդարանական պատգամավորների և մասնավոր քարտուղարների պաշտոնանկություններից հետո:

Մեծ Բրիտանիայի արտաքին գործերի նախարար Լիզ Թրասը Ջոնսոնի հրաժարականից հետո հաղթել է ընտրություններում, սակայն նրա վարչապետությունը տևել է ընդամենը 45 օր. արդյունքում նա դարձել է ամենակարճ ղեկավարած վարչապետը երկրի պատմության մեջ։ Նա հոկտեմբերի 20-ին հայտարարել է իր հրաժարականի մասին։ Թրասը կշարունակի աշխատել որպես վարչապետ՝ մինչև նոր ընտրությունների անցկացում։