Զախարովան հայտարարել է, որ ԵՄ գագաթնաժողովի որոշումները հաստատել են Բրյուսելի առճակատման քաղաքականությունը

ԵՄ գագաթնաժողովի նիստում ընդունված որոշումները հաստատել են Եվրամիության քաղաքականության առճակատման բնույթը, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, հայտնում է ՏԱՍՍ-ը։

«ԵՄ Խորհրդի նիստում ընդունված որոշումները ևս մեկ անգամ հաստատել են Եվրամիության քաղաքականության առճակատման բնույթը», - ասված է Զախարովայի պատասխանում ՝ շաբաթ օրը ՌԴ ԱԳՆ կայքում հրապարակված ԶԼՄ-ների հարցին:

Նրա խոսքով՝ ԵՄ-ն պատրաստ չէ խաղաղ ճանապարհով լուծել Ուկրաինայի հակամարտությունը։ «Տեսնում ենք, որ ԵՄ-ում հակամարտության խաղաղ կարգավորման պատրաստակամություն չեն ցուցաբերում։ Ընդհակառակը, շարունակում են անմտորեն ներդնել զգալի միջոցներ՝ ռազմական գործողությունները ձգձգելու համար։ Դրան են ուղղված նաև Ուկրաինայի զինված ուժերին զենքի մատակարարման լրացուցիչ (ևս 500 մլն եվրո) ֆինանսավորման և Ուկրաինային ռազմական աջակցության ԵՄ առաքելության ստեղծման մասին որոշումները»,-նշվում է մեկնաբանության մեջ։

«Փաստորեն, Եվրամիությունում մարզելու և զինելու են ուկրաինացի գրոհայիններին մահացու սպառազինությամբ, որոնք կշարունակեն ոչնչացնել խաղաղ բնակչությանը, ոչնչացնել քաղաքացիական և կրիտիկական ենթակառուցվածքները։ Պատրաստ եք արդյոք ԵՄ-ում կիսել այդ հանցագործությունների պատասխանատվությունը»- ավելացրել է Զախարովան:

Նա նաև հայտնել է, որ ՌԴ-ն կեղծավոր է համարում Ուկրաինայի ենթակառուցվածքների գնդակոծման վերաբերյալ Ռուսաստանի մեղադրանքները։ «Մենք կեղծավորության գագաթնակետ ենք համարում Ռուսաստանին մեղադրել «Ուկրաինայի քաղաքացիական ենթակառուցվածքը հրետակոծելու» մեջ։ Եվրամիությունը կորցրել է պատերազմական հանցագործությունների մասին որևէ բան ասելու բարոյական իրավունքը, քանի որ ութ տարի շարունակ աչք է փակել Կիևի ռեժիմի կողմից Դոնբասի տարածքների գնդակոծման հետեւանքով խաղաղ բնակիչների, կանանց և երեխաների սպանությունը»,- ասված է Զախարովայի պատասխանում։