Վենեսուելական ինքնաթիռի ձերբակալված անձնակազմի վերջին անդամներին թույլ են տվել լքել Արգենտինան

Արգենտինացի դատավոր Ֆեդերիկո Վիլենան թույլ է տվել վենեսուելական Emtrasur ընկերության անձնակազմի վերջին անդամներին, որը կալանավորվել էր Բուենոս Այրեսում, լքել երկիրը։ Այս մասին ուրբաթ օրը հայտնել է Todo noticias հեռուստաալիքը։

Ահաբեկչական գործողություններին մասնակցելու կասկածանքով հետաքննության տակ են մնացել անձնակազմի 19 անդամներից հինգը՝ երեք իրանցիներ և երկու վենեսուելացիներ։ Ըստ որոշման՝ դատավորը բավարար ապացույցներ չի գտել նրանց նկատմամբ վարույթ հարուցելու համար։

Emtrasur ինքնաթիռը Արգենտինայում է գտնվում հունիսի սկզբից, երբ դատարանն արգելեց չվերթի անձնակազմին, որում կային հինգ իրանցիներ և 14 վենեսուելացիներ, լքել երկիրը։ Խափանման միջոցը պայմանավորված էր ահաբեկիչների հետ կապերի ստուգմամբ: Սեպտեմբերին դատավորը անձնակազմի 14 անդամներին թույլ է տվել լքել երկիրը։

Օդանավի և անձնակազմի կալանավորումից հետո ԱՄՆ արդարադատության նախարարությունը խնդրել է Արգենտինայի իշխանություններին առգրավել Emtrasur ինքնաթիռը, որը նա ստացել է իրանական Mahan Air-ից, որը գտնվում է ԱՄՆ պատժամիջոցների տակ։ Վենեսուելայի նախագահ Նիկոլաս Մադուրոն Բուենոս Այրեսին կոչ է արել վերադարձնել ինքնաթիռը: