ԴԺՀ-ն հայտնել է Ուկրաինայի զինված ուժերի կողմից Դոնեցկի «Գրադից» արձակված վեց հրթիռի մասին

Ուկրաինայի զինված ուժերը «Գրադ» բազմակի հրթիռային համակարգից գնդակոծել են Դոնեցկը՝ 6 հրթիռ արձակելով բնակավայրի ուղղությամբ։ Այս մասին շաբաթ օրը հայտարարել է Դոնեցկի Ժողովրդական Հանրապետության (ԴԺՀ) ներկայացուցչությունը Ուկրաինայի պատերազմական հանցագործություններին առնչվող հարցերի վերահսկման և համակարգման միացյալ կենտրոնում (JCCC): «Shantnews»-ի փոխանցմամբ՝ այս մասին հայտնում է ՏԱՍՍ-ը:

«Մոսկվայի ժամանակով ժամը 10:57-ին գրանցվել է Դոնեցկի գնդակոծությունը Ուկրաինայի զինված կազմավորումների կողմից, BM21 Grad-ից արձակվել է վեց հրթիռ»,- ասվում է հաղորդագրության մեջ։

Նշվում է, որ գնդակոծվել են քաղաքի Կիևի և Կույբիշևսկի շրջանները։