Եթե ընդդիմությունը գործի չի գալիս, ի՞նչ իրավունք ունի բողոքի նիստերից, լավ է գոնե միջազգային գործուղումներին գալիս են․ Արման Եղոյան

Կրթական բարեփոխումները, ճանապարհաշինության վերաբերյալ հարցերը թողնենք, ոչինչ չանե՞նք, վաղը այդ նույն աշակերտն է չէ՞ իր կրթությամբ գնալու և օգտակար լինելու մեր պետությանը, բանակին։ Այս մասին ԱԺ-ում լրագրողների հետ ճեպազրույցի ընթացքում ասաց իշխող խմբակցության պատգամավոր Արման Եղոյանը՝ անդրադառնալով խորհդրարանական ընդդիմության այն քննադատություններին, որ ստեղծված իրավիճակում ԱԺ-ն քննարկում է ոչ օրակարգային հարցեր։

«Ես կընդունեի ընդդիմության քննադատությունը, եթե իրենք գային, մի բան անեին, ասեին՝ մենք անում ենք, դուք չեք աջակցում, բայց եթե իրենք գործի չեն գալիս, ի՞նչ իրավունք ունեն ասեն, որ մենք ոչինչ չենք անում։ Իսկ եթե քաղաքական բոյկոտ են անում, թող չբողոքեն նիստերի կարճ լինելուց։ Լավ է սկսել են գոնե միջազգային գործուղումներին գալ, այսինքն միջազգային գործուղումները չեն բոյկոտում, բայց մեր խորհրդարանի աշխատանքը բոյկոտում են»,- ասաց Արման Եղոյանը։