Մասկը շարունակում է Twitter-ի գնումից հրաժարվելու նոր պատճառներ փնտրել. Variety

Ամերիկացի գյուտարար եւ միլիարդատեր Իլոն Մասկը շարունակում է նոր պատճառներ գտնել՝ հրաժարվելու համար Twitter-ը 44 մլրդ դոլարով գնելուց, գրել է Variety-ն։

Սեպտեմբերի 9-ին Թվիթերին ուղարկած նամակում Մասկի փաստաբանները վկայակոչում են անվտանգության ծառայության նախկին ղեկավար, հունվարին ազատված Փեյթեր Զատկոյի հետ սոցիալական ցանցի կնքած համաձայնագիրը, որի համաձայն՝ Թվիթերը Զատկոյին ու նրա փաստաբանին վճարել է 7,75 մլն դոլար գումարի շահավետ նպաստներ։

Դա, Մասկի իրավաբանական թիմի կարծիքով, խախտում է համաձայնագրի այն դրույթը, որի համաձայն՝ Թվիթերը համաձայնել է «չտրամադրել կամ չապահովել հանգստյան ցանկացած նպաստ կամ արտոնություն ընկերության ծառայությունների ցանկացած մատակարարի, բացի հանգստյան վճարների կամ արտոնությունների վճարումից սովորական գործունեության ընթացքում»՝ առանց Մասկի հետ նախապես համաձայնեցնելու։ «Ընկերության ծառայությունների մատակարար» սահմանումը ներառում է Թվիթերի նախկին աշխատակիցներին, նշվել է նամակում։

«Թվիթերը պատասխանողների համաձայնությունը չի հարցրել... այդ վճարն իրականացնելուց առաջ, եւ այդ վճարը չի բացահայտվել պատասխանողների համար,- նշվել է նամակում, որը հրապարակվել է ուրբաթ, ԱՄՆ արժեթղթերի եւ բորսայի հանձնաժողովի հայտարարությունում։- Փաստորեն, պատասխանողներն այդ վճարի մասին իմացել են միայն այն ժամանակ, երբ Թվիթերը դատի է տվել առանձին ապրելու մասին համաձայնագիրը 2022թ. սեպտեմբերի 3-ին»։

Զատկոն, որին Թվիթերը բնութագրում է որպես դժգոհ նախկին աշխատակից, SEC-ի եւ FTC-ի բողոքում հավաստիացնում էր, որ Թվիթերը թաքցրել է «ծայրահեղ աղաղակող» դժգոհություններն անվտանգության եւ կոնֆիդենցիալության պրակտիկայում։

Օգոստոսին Մասկի փաստաբանները Զատկոյի հավաստիացումները ներկայացրել էին որպես լրացուցիչ ապացույց այն բանի, որ միլիարդատիրոջ համաձայնագիրը Թվիթերը գնելու մասին վավերական չէ։ Հուլիսին նա Թվիթերին տեղեկացրել էր, որ դուրս է գալիս գոծարքից, քանի որ, ինչպես պնդում էր Մասկը, ընկերությունը չի կարողացել ապացուցել իր պնդումն այն մասին, որ սպամը եւ կեղծ աքաունթները ակտիվ օգտատերերի 5 տոկոսից քիչ են։

Հուլիսին Թվիթերը դատի էր տվել Մասկին՝ պահանջելով, որ Tesla-ի եւ SpaceX-ի գլխավոր տնօրենը կատարի սոցիալական ցանցերի գնման համաձայնագիրը մեկ արժեթուղթը 54,20 դոլարով։ Դելավեր նահանգի դատավորը հնգօրյա դատավարություն էր նշանակել Մասկի հանդեպ Թվիթերի հայցի առիթով, որը սկսվելու է հոկտեմբերի 17-ին։ Այս շաբաթ գործը վարող դատավորը որոշել է, որ Մասկը կարող է ավելացնել Զատկոյի բողոքի հավաստիացումները հանդիպակաց հայցում, բայց մերժել է Մասկի՝ դատավարությունը մինչեւ նոյեմբեր հետաձգելու խնդրանքը։

Մասկը, որը Թվիթերի ամենամեծ բաժնետերն է՝ 9,6 տոկոս բաժնով, սկզբում խանդավառ էր Թվիթերը գնելու հարցում, որպեսզի նույնականացնի բոլոր օգտատերերին եւ ձեռնարկություններից վճարներ գանձի սոցիալական ցանցի օգտագործման համար։ Թվիթերի փաստաբանները հավաստիացրել են, որ Մասկը վախեցել է այն բանից հետո, երբ իր անձնական կապիտալը տուժել էր Tesla-ի արժեթղթերի փոխարժեքի անկումից։

Դելավերի դատարանում լսումների ժամանակ Թվիթերի փաստաբանը բարձրաձայն կարդացել է բանկիր Morgan Stanley-ին մայիսի 8-ին Մասկի ուղարկած տեքստային հաղորդագրությունը, որում նշվել է սոցցանցը գնելու համաձայնագրի մասին։ «Եկեք մի քանի օր կանգ առնենք։ Պուտինի վաղվա ելույթը չափազանց կարեւոր է։ Իմաստ չունի գնել Թվիթերը, եթե դեպի երրորդ համաշխարհային պատերազմ ենք գնում», նշվել է Մասկի հաղորդագրությունում։