Ոստիկանությունից թաքնվելու համար հանցագործը խաղալիք արջուկ է ձևացել (լուսանկար)

Անգլիայում հանցագործը ոստիկանությունից թաքնվելու համար ձեւացել է խաղալիք արջուկ, սակայն սպաներին, այնուամենայնիվ, հաջողվել է ձերբակալել նրան, գրում է Daily Star-ը։

Ջոշուա Դոբսոնը մեքենա է գողացել և հետախուզման մեջ հայտնվել: Կատարված աշխատանքից հետո ոստիկաններին հաջողվել է պարզել հանցագործի հասցեն, որտեղ նրանք գնացել են անսպասելի այցով։ Նկատելով սպաներին՝ բրիտանացին ավելի լավ բան չի մտածել, քան մտնել չափերով մեծ խաղալիք արջի մեջ։

Սակայն Ջոշուային չի հաջողվել աննկատ մնալ։ Սպաները նկատել են, որ արջուկն սկսել է շնչել, ինչը մատնել է Դոբսոնին։ Արդյունքում տղամարդը ձերբակալվել է։ Դատարանը նրան դատապարտել է ինը ամսվա ազատազրկման՝ մեքենա գողանալու և առանց վճարելու բենզալցակայանից փախչելու համար։

«Հնարամտության համար նրան [Դոբսոնին] տալիս ենք 10-ից 10-ը, բայց նա պետք է շունչը պահեր»,- մեկնաբանել են ոստիկանությունից։