Lufthansa-ի օդաչուները մտադիր են գործադուլ անել

Գերմանական Lufthansa ավիաընկերության օդաչուները քվեարկել են հնարավոր գործադուլի օգտին, հայտարարել է արհմիությունը՝ ասելով, որ գործադուլից դեռեւս հնարավոր է խուսափել՝ քայլն անվանելով վարձատրության դեպքում «հստակ ազդանշան», հաղորդում է AP լրատվական գործակալությունը:

Արհմիությունը պահանջում է այս տարի աշխատավարձի 5,5 տոկոսով բարձրացում իրականացնել եւ հաջորդ տարվանից գնաճի ավտոմատ ճշգրտում իրականացնել: Միությունը պնդում է, որ Lufthansa-ն բանակցությունների վեց փուլերում դեռեւս ընդունելի առաջարկ չի արել:

Միությունը հայտնել է, որ քվեարկությանը մասնակցած օդաչուների 97,6 տոկոսը հավանություն է տվել իր կոչին: Արհմիության հայտարարության մեջ ասվում է, որ քվեարկությունը պայման չէ գործադուլի հանգեցնի, սակայն դա հստակ ազդանշան է Lufthansa-ին, որ անձնակազմի կարիքներին պետք է լուրջ վերաբերվել:

Վեճը ծագել է Գերմանիայում Lufthansa-ի ցամաքային անձնակազմին ներկայացնող արհմիության հետ առանձին բախման ֆոնին: Չորեքշաբթի օրը մեկօրյա գործադուլը, որպես այս դիմակայության մաս, հանգեցրել է ավելի քան 1000 չվերթի չեղարկմանը: