Գիտնականները գլուխ են կոտրում Ատլանտյան օվկիանոսի հատակին հայտնաբերված մի շարք խորհրդավոր խոռոչների ծագման վրա

Գիտնականները գլուխ են կոտրում այս շաբաթ Ատլանտյան օվկիանոսի հատակին հայտնաբերված մի շարք խորհրդավոր խոռոչների ծագման վրա, գրում է NYP-ը:

Օվկիանոսների եւ մթնոլորտի հետազոտման ազգային վարչությունը Facebook-ում եւ Twitter-ում տեղադրել է ստորջրյա գոյացությունների նկարներ, սոցիալական ցանցերի օգտատերերը ենթադրել են, որ դրանք ինչ ասես կարող են լինել՝ «որդնածությունից» մինչեւ «այլմոլորակայիններ»:

Կցված լուսանկարներում երեւում են օվկիանոսի հատակի նստվածքների վրա կատարյալ հարթեցված խառը անցքերը:

Սոցիալական ցանցերի որոշ օգտատերեր ենթադրել են, որ ջրային անոմալիան կարող է պայմանավորված լինել ստորջրյա գազատարով: Մյուսները ենթադրել են, որ դրանք այլմոլորակայիններ են։

Մեկը ենթադրել է, որ անցքերը ստեղծվել են փորող որդերի ինչ-որ տեսակի կողմից:

Գիտնականները համաձայնել են, որ որդնածության տեսությունը միանշանակ ճշմարտանման է: «Շատ օրգանիզմներ (օրինակ՝ ծովային որդերը, փորող խեցգետնակերպերը եւ ծովային վարունգները) տեղափոխվում են նստվածքների մեջ եւ դրանց միջով, հաճախ կանոնավոր ձեւով, դա կոչվում է բիոտուրբացիա»,- նշել է Մեծ Բրիտանիայում Հալլի համալսարանի ամբիոնի վարիչ, պրոֆեսոր Մայք Էլիոթը:. «Որոշները փորում են հորիզոնական (ինչպես խլուրդը)՝ օրգանական նյութեր կուլ տալով նստվածքի մեջ, իսկ հետո թունելը կարող է փլուզվել, դա կարող է ստեղծել տեսանելի պատկեր»։