Իրանը եւ Թուրքիան պայմանավորվել են բանակցություններ սկսել գազի արտահանման նոր համաձայնագրի շուրջ

Իրանը եւ Թուրքիան պայմանավորվել են բանակցություններ սկսել գազի արտահանման նոր համաձայնագրի շուրջ, որը կմեծացնի Իրանից բնական գազի մատակարարումը Թուրքիա 2026 թ-ից սկսած 25 տարվա ընթացքում, հաղորդում է Press TV-ն։

Իրանի եւ Թուրքիայի միջեւ գազի մատակարարման նոր համաձայնագրի շուրջ բանակցությունները կսկսվեն ավելի վաղ Թեհրանում կայացած հանդիպման ժամանակ Իրանի նախագահ Էբրահիմ Ռաիսիի եւ նրա թուրք գործընկեր Ռեջեփ Թայիփ Էրդողանի միջեւ ձեռք բերված պայմանավորվածությունների հիման վրա։

«Պայմանավորվածություն է ձեռք բերվել, որ երկու կողմերի օրակարգում կլինեն իրանական գազի՝ Թուրքիա արտահանման պայմանագրի 25 տարով երկարաձգումը եւ արտահանման ծավալների ավելացումը»,- ասվում է Իրանի նախագահի վարչակազմի ուղերձում։

Իրանը հայտարարել է բնական գազի արտահանման միջոցով Թուրքիան էներգիայի կայուն մատակարարմամբ ապահովելու պատրաստակամության մասին։

Իրանը տարեկան շուրջ 10 միլիարդ խորանարդ մետր գազ է մատակարարում Թուրքիային 2001-ին ստորագրված 25 տարվա համաձայնագրով։

Այնուամենայնիվ, Թուրքիանմատակարարումների ավելացում է պահանջում՝ երկրի ներքին եւ արդյունաբերական հատվածներում էներգիայի աճող պահանջարկի պատճառով։

Անկարան նմանատիպ հարցումներ է ուղարկել Թուրքիային գազ մատակարարող երկու այլ մատակարարներ՝ Ռուսաստանին եւ Ադրբեջանին, միեւնույն ժամանակ, նա միլիարդավոր դոլարներ է ներդնում 2020-ին Սեւ ծովում հայտնաբերված գազի հանքավայրի մշակման համար։