Գիտնականները հետեւել են Մարսի ամենահին հայտնի երկնաքարերի «երթուղուն»

Հետազոտողները արհեստական բանականության ալգորիթմի միջոցով հետեւել են ամենահին հայտնի մարսյան երկնաքարը մինչեւ դրա ծագումը, եւ արդյունքները կարող են օգնել պարզել, թե ինչպիսի պայմաններ են եղել մեր Արեգակնային համակարգի մոլորակների վրա դրանց գոյության առաջին օրերին, գրում է Live Science-ը:

Ենթադրվում է, որ 320 գրամ կշռող երկնաքարը, որը պաշտոնապես կոչվում է Northwest Africa 7034, սակայն հայտնի է որպես «Սեւ գեղեցկուհի», Երկրի վրա ընկել է մոտ 5 միլիոն տարի առաջ:

2011 թվականին Սահարա անապատում հայտնաբերելուց հետո որոշվել է, որ այն 4,5 միլիարդ տարեկան է, ինչը նրան Երկրի վրա երբեւէ հայտնաբերված ամենահին մարսյան երկնաքարն է դարձնում։

Հետազոտության արդյունքները թույլ են տալիս ենթադրել, որ այս ապարը ժամանակին եղել է Մարսի սկզբնական կեղեւի մի մասը, որը ձեւավորվել է անմիջապես այն բանից հետո, երբ նրա մագմատիկ օվկիանոսը սառել ու պնդացել է։ Թիթեղների տեկտոնիկան քայքայել է Երկրի սկզբնական կեղեւը, իսկ Լուսնի սկզբնական կեղեւը թաղված է հազարավոր մետր լուսնային փոշու տակ։ Սա խառնարանը հատկապես հետաքրքիր է դարձնում գիտնականների համար, որոնք ցանկանում են ուսումնասիրել, թե ինչպես են առաջին անգամ ձեւավորվել մեր Արեգակնային համակարգի մարմինները: