Նիդեռլանդներում ֆերմերների սկսած ցույցերը կարող են տարածվել ամբողջ աշխարհում

Fox News Digital-ի հետ զրուցած փարձագետները կարծում են, որ Նիդեռլանդներում կլիմայական կանոնակարգերի դեմ ֆերմերերի գլխավորած ցույցերը կարող են համաշխարհային շարժման սկիզբ դառնալ:

Հունիսին Նիդեռլանդների կառավարությունը հրապարակել էր ազոտի արտանետումների կրճատման ծրագիր, որը հիմնականում ուղղված է երկրի գյուղատնտեսությանը։ Այնուամենայնիվ, կառավարությունը բացահայտորեն ընդունել է, որ «ոչ բոլոր» ֆերմերներն իրենց բիզնեսը շարունակելու ապագա ունեն, ինչին ի պատասխան ողջ երկով մեկ ֆերմերները դուրս են եկել փողոց՝ փակելով օդանավակայաններ տանող ճանապարհները եւ խոչընդոտելով սննդամթերքի առաքումը պահեստներ:

«Ես իսկապես հասկանում եմ նրանց զայրույթը: Գործնականում այս ծրագիրը նշանակում է, որ որոշ տարածքներում ֆերմերները պետք է 70 տոկոսով նվազեցնեն ազոտի արտանետումները: Դա նշանակում է, որ նրանք պարզապես պետք է դադարեցնեն իրենց գործունեությունը», - Fox News Digital-ին ասել է Կլիմայի հետախուզական հիմնադրամի համահիմնադիր Մարսել Կրոկը:

Նիդեռլանդները մեծ քանակությամբ ազոտ է արտանետում՝ գյուղատնտեսական մեծ արտադրության շնորհիվ, որը կազմում է երկրի ամոնիակի տարեկան արտանետումների մոտ 87 տոկոսը: Համաշխարհային բանկի տվյալներով՝ երկիրը արտահանել է 26,8 միլիարդ դոլար արժողությամբ սննդամթերք՝ հակառակ իր համեմատաբար փոքր բնակչությանը:

«Դա բառացիորեն կոմունիզմ է: Եթե պետությունն ասում է՝ ձեր մասնավոր սեփականությունը տանելու ենք հանուն մեծ շահի, ապա պետությունը իրավունք ունի ստեղծելու ճգնաժամեր՝ զրկելու ձեզ ձեր իրավունքներից։ Ահա թե ինչ է կատարվում այստեղ», - Fox News Digital-ին ասել է հոլանդացի քաղաքական մեկնաբան Եվա Վլաարդինգերբրուկը՝ նշելով, որ ֆերմերների արձագանքը պետք է կառավարության համար նախազգուշացում լինի:

Ըստ լոնդոնյան Գլոբալ տաքացման քաղաքականության հիմնադրամի տնօրեն Բենի Փեյզերի, նմանատիպ բողոքի ակցիաներ շուտով կարող են տեղի ունենալ նաեւ Մեծ Բրիտանիայում եւ Եվրամիության որոշ պետություններում, որտեղ բնական գազի եւ էներգիայի գները մոտ են պատմական ամենաբարձր մակարդակին: Ակնկալվում է, որ Մեծ Բրիտանիայում գնաճի հետեւանքով տնային տնտեսությունների 24 տոկոսը կամ կամ մոտ 6,5 միլիոն տնային տնտեսություններ վառելիք չեն ունենա: