Հռոմում երաշտի պայմաններում ջրի տակից դուրս է եկել Ներոնի հայտնի կամուրջը

Իտալիայում մոլեգնող սաստիկ շոգի ու երաշտի պայմաններում Հռոմում հայտնաբերվել է հնագիտական գանձ՝ կամուրջ, որը, ինչպես հայտնի է, կառուցել է հռոմեական Ներոն կայսրը, հայտնում է Reuters լրատվական գործակալությունը եւ հավելում, որ այն անցել էր Տիբեր գետի ջրերի տակ:

Այժմ բարձր ջերմաստիճանի պայմաններում ջրի Տիբերի ջրի մակարդակն իջել է եւ ի հայտ են եկել «Ներոնի կամուրջի» (Պոնս Ներոնիանուս) քարքարոտ մնացորդները:

Լոնդոնի Մետրոպոլիտեն համալսարանի ճարտարապետության պատմության պրոֆեսոր Նիկոլաս Թեմփլը կարծում է, որ կամուրջը ավելի ին պատմություն ունի եւ կառուցվել է մինչՆերոնի գահակալումը: Գիտնականները կամուրջը առաջին անգամ հիշատակել են 12-րդ դարի աղբյուրներում:

Ներոնը գահակալել է 54-ից 68 թվականներին, որի ընթացքում ձեռնարկել է շինարարություններ, ռազմական հաղթանակներ տարել, սակայն, անտեսելով քաղաքականությունը, իր ժամանակի մեծ մասը նվիրել արվեստին:

Իր կառավարման ընթացքում Հռոմի պետական գանձարանը դատարկվել է`մասամբ «Ոսկե պալատի» կառուցման նպատակով: Նա սպանել է իր մորն ու իր կանանցից առնվազն մեկին:

Ներոնն ինքնասպան է եղել 68 թվականին 30 տարեկանում՝ Հռոմի Սենատի կողմից ժողովրդի թշնամի հռչակվելուց հետո: