Գնաճն ԱՄՆ-ում «անընդունելիորեն բարձր է». Ջանեթ Յելեն

Գնաճն ԱՄՆ-ում «անընդունելիորեն բարձր է», ասել է ԱՄՆ ֆինանսների նախարար Ջանեթ Յելենը՝ հավաստիացնելով, որ աճող գների իջեցումը Վաշինգտոնի «բարձրագույն առաջնահերթությունն» է։

Վերջին տվյալների համաձայն՝ ԱՄՆ-ում սպառողական գնաճը ավելացել է 9,1 տոկոսով, որն ամենաբարձրն է 1981-ից ի վեր։

«Մենք առաջին հերթին աջակցում ենք ԴՊՀ-ի ջանքերին, որոնք անհրաժեշտ են գնաճը վերահսկելու համար»,- ասել է նա Բալիի մամուլի ասուլիսում, 20-ի խմբի ֆինանսների նախարարների հանդիպման նախօրեին։ «Բացի այդ, մենք սեփական քայլեր ենք նախաձեռնում, որոնք, մեր կարծիքով, կարճ ժամկետում կօգնեն իջեցնել գնաճը»,- ասել է նա՝ նշելով, որ ԱՄՆ-ը աշխատում է, որպեսզի սահմանի ռուսական նավթի գների վերին շեմը եւ խուսափի ապագայում նավթի գների հնարավոր բարձրացումներից»։

Յելենն ավելացրել է, որ գների աճի գրեթե կեսը կապված է էներգիայի բարձր ծախսերի հետ։

Արդյո՞ք գնաճի իջեցումը ավելի կարեւոր է, քան ռեցեսիայի ռիսկը հարցին Յելենը պատասխանել է, որ, իր կարծիքով, առաջնահերթ խնդիրը պետք է լինի գնաճի իջեցումը, քանի որ աշխատանքի շուկան «ներկա պահին շատ ուժեղ է»։ Սակայն Յելենը ընդունել է, որ տոկոսադրույքների աճը կարող է կողմնակի ազդեցություն ունենալ այլ տնտեսություններում։

«Մյուս կողմից՝ դա կարող է ուժեղացնել արտահանման կարողությունը, ինչը լավ է աճի համար։ Մյուս կողմից՝ կախված այն բանից, թե ինչպիսին է երկրի պարտքը դոլարով, դա կարող է բարդացնել պարտքային խնդիրները, որոնք առանց այդ էլ շատ լուրջ են»,- ասել է նա։