Չինաստանի հյուսիսում 15 մետրանոց դինոզավրերի հազարավոր հետքեր են գտել

Չինացի հնագետները Հեբեյ նահանգի տարածքում մոտ 4300 ոտնահետք են հայտնաբերել, որոնք թողել են 15 մետրանոց դինոզավրերը։ Ըստ China.org.cn-ի՝ ոտնահետքերը 150 միլիոն տարվա վաղեմություն ունեն։

Գիտնականները դինոզավրերի հետքերը հայտնաբերել են հսկայական՝ ավելի քան 9000 քառակուսի մետր տարածքում։ Հնագիտական հուշարձանը գտնվում է Սյուանհուա շրջանում՝ Չժանցզյակուից ոչ հեռու։ Ապարները, որոնց վրա մնացել են խոշոր դինոզավրերի հետքերը, 150 միլիոն տարեկան են։

Այստեղ առաջին բրածոները հայտնաբերվել են 2020 թվականի գարնանը՝ դրանք եղել են քարքարոտ ժայռերի լանջին։ Որոշ հետքեր կլոր են, բայց նկարագրվում են նաեւ դինոզավրերի ճանկերի հետքեր: Հեբեյ նահանգի աշխարհագրական վարչության գլխավոր ինժեներ Սուն Սյաոյի խոսքով՝ գիտնականներն արդեն նկարագրել են 4300 հետք, որոնք պատկանում են անհետացած մողեսների չորս տեսակների:

Որոշ դինոզավրեր, որոնք հետքեր են թողել, շատ խոշոր են եղել՝ նրանց մարմնի երկարությունը կարող էր գերազանցել տասնհինգ մետրը: Բացի այդ, հնգետները հայտնաբերել են գիշատիչ դինոզավրերի հետքեր, որոնց մարմնի երկարությունը մոտ հինգ մետր է եղել: Մողեսների թվում եղել են առնվազն մեկ չնույնականացված տեսակի ներկայացուցիչներ։ Տեսակի ուսումնասիրությունը դեռ շարունակվում է: