Թրամփը պատերազմ է հայտարարել Իլոն Մասկին

Twitter սոցիալական ցանցում նախկինում հայտնի Դոնալդ Թրամփի (ԱՄՆ-ի նախկին նախագահ) եւ ներկայումս ցանցում հայտնի Իլոն Մասկի միջեւ երազային պայքարը առաջիկա շաբաթներին եւ ամիսներին փորձագետներին քննարկելու շատ բան կտա, գրել է The Street-ը:

Անշարժ գույքի շուկայի հսկայի եւ միլիարդատեր տեխնոլոգիական մագնատի միջեւ մրցակցություն է սկսվել՝ Միացյալ Նահանգների նախկին նախագահի կողմից, քանի որ Մասկի ազդեցությունը սկսել է աճել:

Մասկն այժմ Twitter-ում 100,7 միլիոն հետեւորդ ունի, ինչը՝ հանրային կարծիքի վրա ազդելու հնարավորություն է տալիս նրան: Tesla-ի սեփականատերը այս տարի հայտարարել է, որ առաջին անգամ լինելով պատրաստվում է հաջորդ ընտրություններին իր քվեն տալ Հանրապետականներին: Ավելի ուշ նա նշել է, որ 2024 թվականին կայանալիք նախագահական ընտրություններում իր ձայնը տալու է Ֆլորիդայից հանրապետական թեկնածու Ռոն Դե Սանտիսին եւ նշել, որ թեկնածության դեպքում չի քվեարկի ո՛չ Թրամփի, ո՛չ էլ ներկայիս նախագահ դեմոկրատ Ջո Բայդենի օգտին:

Շատերը Սանտիսին Թրամփի համար ուժեղ մրցակից են համարում:

Նշենք, որ 2024 թվականին կայանալիք ընտրությունների ժամանակ Ջո Բայդենը կլինի 82, իսկ Դոնալդ Թրամփը 78 տարեկան: