на Русском
Լոս Անջելեսի հայ մասնագետների թիմը պատրաստ է ... 
Մանասյանն ընդունել է Equal Right Trust հիմնադ... 
Դուք մեզ դժոխքից փրկել եք. Երասխահունցի տղամարդը՝ Նիկոլ Փաշինյանին
Ինչպես արդեն նշել էինք, Վարչապետ Նիկոլ Փաշինյանը Արմավիրի մարզ այցելության ժամանակ չնախատեսված կանգառ է ունեցել Երասխահուն համայնքում: Այս մասին ֆեյսբուքյան իր էջում տեղեկացրել է Փաշինյանը եւ հավելել, որ նաեւ հարգանքի տուրք է մատուցել 44-օրյա պատերազմում զոհված հերոսների հիշատակին:
Թեեւ վարչապետը գրել է, որ այցը չնախատեսված է եղել, սակայն ֆեյսբուքյան էջում նրա տեղադրած տեսանյութից կարելի է եզրակացնել, որ Երասխահուն համայնքում պատրաստ են եղել նրա այցելությանը, հաշվի առնելով հավաքված գյուղացիների քանակը եւ այն, որ վարչապետին դիմավորել են աղուհացով եւ երաժշտությամբ։
Նիկոլ Փաշինյանը գյուղացիներից հետաքրքրվեց, թե ինչ խնդիրներ ունեն, ի պատասխան ասացին՝ ջրի խնդիր ունենք։ Պարզվեց, որ գյուղում դպրոց եւ մանկապարտեզ չկա։ Փաշինյանը վստահեցրեց, թե առաջիկայում այդ գյուղում էլ դպրոց եւ մանկապարտեզ կկառուցվի։
«Մենք Ձեզ հավատում ենք, Դուք մեզ դժոխքից փրկել եք»,– դիմելով Փաշինյանին՝ ասաց գյուղացի մի տղամարդ։
Գյուղացիները բարձրաձայնեցին նաեւ հոսանքի խնդիրը։
«Ո՞նց հոսանք չկա»,– զարմացած հարցրեց վարչապետը եւ վստահեցրեց, որ հերթով բոլոր խնդիրները կլուծվեն։
