Թուրքիայում հայտնաբերել են Չինգիզ Խանի թոռան ամառային պալատի մնացորդները

Գանձեր մասին պատմող Klady.info կայքը պատմել է Թուրքիայում գտնված պալատի փլատակների մասին՝ նշելով, որ հնագետները հիմնականում գումար, զենք եւ զարդեր չեն փնտրում միայն, այլեւ որոնում են պատմական վայրեր կամ դրանց փլատակներ: Կայքը հայտնել է, որ վերջերս հետազոտողներին հաջողվել է Թուրքիայի տարածքում գտնել Չինգիզ Խանի թոռան՝ Հուլագ Խանի կողմից կառուցված պալատը։

Պեղումներն իրականացվել են Թուրքիայի եւ Մոնղոլիայից ժամանած հնագետների միջազգային խմբի կողմից, որոնք երկար ժամանակ են ծախսել Հուլագ Խանի ամառային նստավայրը որոնելու համար։ Մինչ պեղումները սկսելը նրանք ուսումնասիրել են զգալի քանակությամբ հայկական եւ հին պարսկական գրականություն, որից էլ իմացել են շենքի մոտավոր տեղը։ Եվ միայն դրանից հետո սկսել են դաշտային աշխատանքները Թուրքիայում։

Առկա տվյալներով այս պահին հնագետները գտել են ո՛չ միայն ամրոցի փլատակները, այլեւ՛ ամբողջ քաղաքը: Պեղումների վայրում հայտնաբերվել են հնագույն քարվանսարայի մնացորդներ եւ կերամիկական վառարաններ:

Սակայն ամենակարեւոր բացահայտումն այն է, որ հաստատվել է՝ Իլխանյան պետության գոյության դարաշրջանին շենքերի պատկանելությունը։ Սա հասկանալի է դարձել սալիկների վրա հայտնաբերված տարրերի շնորհիվ։ Ինչպես նշում են հետազոտողները, Անատոլիայի դարաշրջանում նման սալիկներ չեն արտադրվել։ Այսպիսով, այն հենց Չինգիզ Խանի թոռան՝ Հուլագ խանի օրոք է պատրաստվել։