Մենք բավականաչափ զենք ունենք. Զելենսկի

Ուկրաինայի նախագահ Վլադիմիր Զելենսկին պնդում է, որ Ուկրաինան մտադիր չէ գնդակոծել Ռուսաստանի տարածքը, եթե Արևմուտքի երկրներից ստանա մեծ հեռահարության զենք: Համապատասխան հայտարարությունը նա արել է դանիացի լրագրողների հետ կայացած մամուլի ասուլիսի ժամանակ, որի տեսագրությունը տեղադրվել է նրա գրասենյակի Telegram-ալիքում:

«Ոչ», – պատասխանել է Զելենսկին այն հարցին, թե արդյոք Ուկրաինան պատրաստ է սկսել թիրախների գնդակոծումը Ռուսաստանի տարածքում, եթե Արևմուտքը Կիևին զենք փոխանցեր, որն ունի ավելի քան 100 կմ հեռահարություն:

Նախագահը պարզաբանել է, որ Ուկրաինայում կան շրջաններ, որտեղ ուկրաինական զորքերի կենտրոնացման վայրերը գտնվում են ռուսական զորքերի կենտրոնացման վայրերից ավելի քան 100 կմ հեռավորության վրա: «Մեզ անհրաժեշտ է համապատասխան զենք այդ տարածությունը կրճատելու համար, այսինքն՝ զենք, որն աշխատում է նման հեռավորության վրա»,- ասաց Զելենսկին:

Նա հերքել է դանիացի լրագրողի խոսքերն այն մասին, որ ուկրաինական բանակի սովորական սպառազինությունը վերջանում է։

«Ես չգիտեմ, թե որտեղից ձեզ մոտ այնպիսի տեղեկություններ, որ մեզ մոտ վերջանում է սովորական զենքը, դա չի համապատասխանում իրականությանը»,- ասել է նա:

«Մենք բավականաչափ զենք ունենք, բայց մենք բավարար զենք չունենք, որը գործում է այն հեռավորության վրա, ինչպիսին մեզ պետք է, որպեսզի հաղթահարենք Ռուսաստանի Դաշնության տեխնիկայի առավելությունը։ Մենք բավականաչափ զրահապատ տեխնիկա չունենք», – հավելել է Ուկրաինայի նախագահը։