на Русском
Վերադարձի՛ր շարք․ ՊՆ սոցիալական հոլովակը
ՀՀ ԶՈՒ հավաքականը թիմային աղյուսակում հունահռ... 
«Դուրս նետված ծանր մետաղը դառնում է փոշի եւ քամու միջոցով մտնում մարդու օրգանիզմ». բնապահպանը՝ Կավարտի հանքավայրի մասին
Սյունքի մարզի Կապան քաղաքի Կավարտ հանքավայրից դեղնադարչնագույն երանգի արտադրական ջրերի հոսելու պատճառն այն է, որ հանքը կառուցելիս հնարավոր ռիկսերը հաշվի չեն առնվել: Այս մասին ասել է Հայ բնապահպանական կամավորական ճակատի անդամ, աշխարհագրագետ Լևոն Գալստյանը:
«Եթե ռիսկերը հնարավոր չէ կառավարել, ուրեմն՝ հանքը չպետք է շահագործվի: Բայց քանի որ Հայաստանում երբեւէ չի եղել ռիսկերի գնահատման իրական համակարգ, այսպիսի հանքեր կան ու կլինեն: Այս խնդիրը նոր չէ, նման բան պարբերաբար կրկնվում է: Կավարտի հանքավայրի շահագործումը դադարել է տասնյակ տարիներ առաջ, 2009 թվականին փորձել են այն կրկին շահագործել, սակայն կարճ ժամանակ անց կրկին դադարեցրել են, եւ հանքը մինչ օրս մնացել է անտեր, ու որեւէ մեկը պատասխանատվություն չի կրել դրա համար»- նշեց Գալստյանը:
Լեւոն Գալստյանի կարծիքով՝ այս փուլում արդեն կանխել խնդիրը շատ բարդ եւ ժամանակատար աշխատանք է պահանջում. «Պետության համար միայն մաքրման կայաններ դնելը կարող է տարեկան մեկ միլիոն դոլարից դոլար արժենա»:
Ըստ Լեւոն Գալստյանի՝ տարիներ շարունակ ձգվող այս վիճակը շատ ծանր է ազդում Կապանի էկոլոգիական հանքավայրի վրա:
«Հանքավայրը մարդկանց վրա նույնպես կարող է ունենալ վատ ազդեցություն: Մարդիկ քայլում են քաղաքով, շնչում օդը, ի վերջո ուտում են գյուղատնտեսական մթերք, որն աճեցված է այդ տարածքում: Դուրս նետված ծանր մետաղը նստում է քաղաքի շատ վայրերում, հետո դառնում փոշի եւ քամու միջոցով մտնում մարդու օրգանիզմ»,- ընդգծեց Լեւոն Գալստյանը:
