Նույնիսկ նվերները հետ կվերցնի․ բացահայտվել են Կորոլյովայի եւ Տարզանի ամուսնալուծության մանրամասները

Վերջերս Տարզանն ու Նատաշա Կորոլյովան միասին չեն հայտնվում հանրության առաջ՝ պատճառաբանելով չափազանց մեծ ծանրաբեռնվածությունը։ Սկանդալները սկսվել են այն բանից, որ ամբողջ երկիրը քննարկում էր մերկապարողի դավաճանությունը, որը ֆիքսված է տեսանյութով։ Մինչ հոգեբաններն ու տարոլոգները հետաքրքրվում են, թե ինչն է դեռեւս արտիստներին միասին պահում, իրավաբանները ենթադրում են, որ ամուսնության լուծարման ձգձգման պատճառները բավականին պարզ են։

Փաստաբանները համոզված են, որ ամուսնալուծությունը Նատաշա Կորոլյովայի համար լուրջ ֆինանսական կորուստներ կբերի։ Երգչուհին միշտ եղել է ընտանիքում հիմնական վաստակողը, սակայն բաժանման դեպքում ամուսնության ընթացքում ձեռք բերված ունեցվածքը ենթադրվում է, որ կկիսվի, եթե ամուսնական պայմանագրում այլ պայմաններ նախատեսված չեն։ Արտիստուհին, ամենայն հավանականությամբ, կկորցնի հարստության տպավորիչ բաժինը, եթե հեռանա ամուսնուց։

Փաստաբան Անդրեյ Ալեշկինը լրագրողների հետ զրույցում հիշել է աղմկահարույց պատմությունը, թե ինչպես է Կորոլյովան իր ձվաբջիջը նվիրել ամերիկացի ընկերոջը, իսկ նա մեծահոգաբար շնորհակալություն է հայտնել նրան։ Մեծահարուստ տղամարդը երգչուհուն 50 բիթքոյն է նվիրել, որոնց արժեքը գնահատվել է 177 մլն ռուբլի։ Թեեւ աստղը վստահեցնում է, որ այդ միջոցները չեն երեւում ոչ մի փաստաթղթում, նվերները նույնպես պետք է բաժանվեն։

«Եթե կրիպտոարժույթը Նատաշան ստացել է ամուսնության ընթացքում, ապա ամուսնալուծության ժամանակ այդ գումարը պետք է կիսվի իր եւ ամուսնու միջեւ։ Օրենքի համաձայն, սա համատեղ եկամուտ է», - բացատրել է փաստաբանը։

Իրավապաշտպանը հավելել է, որ միեւնույն ժամանակ մերկապարողն իրավունքներ չունի Կորոլյովայի դոնոր նյութի օգտագործման արդյունքում ծնված երեխայի նկատմամբ։