Փողոցով քայլելիս կարող է զոհվածների հարազատների նյարդերն ուղղակի չդիմանան ձեր դեմքը տեսնելուց. Քրիստինե Վարդանյան
Էս մարդիկ սեփականաշնորհել են շատ կարեւոր հասկացություններ՝ ժողովրդավարություն, մարդու իրավունքների պաշտպանություն: Այս մասին, այսօր՝ հունիսի 8-ին, Հանրապետության հրապարակում բողոքի ակցիայի ժամանակ նշեց ԱԺ «Հայաստան» խմբակցության պատգամավոր Քրիստինե Վարդանյանը:
«Իրենք իրենց դիրքավորել են որպես յդ արժեքների կրողներ, մինչդեռ իրենք այդ արժեքների ամենամեծ դավաճաններն են: Ժողովրդավարության պաշտպան լինելու համար պետք չէ ամեն օր գոռալ ժողովրդավարություն, դրա համար պետք է պաշտպանել մարդկանց իրավունքները: Չկա ժողովրդավարություն, եթե չկա պետություն, չկան մարդու իրավունքներ, եթե չկա պետություն, որը կարողանում է պաշտպանել մարդու իրավունքները: Այս իշխանություններն ամենամեծ վտանգն են այս երկու հասկացությունների համար: Իրենք շարունկում են աչքակապություն անել ու երկարաձգել իրենց իշխանությունը: Ժողովրդավարության իրական պաշտպանները հիմա փողոցներում եւ հրապարակներում են, որոնք ելել են նախ պաշտպանելու պետականությունը, ստեղծելու անվտանգություն, որտեղ պետք է լինի ժողովրդավարություն, պետք է պաշտպանված լինեն մարդու իրավունքները»,-ասաց նա:
Անդրադառնալով նրն, որ նախօրեին առողջապահության նախարար Անահիտ Ավանեսյանը շնորհակալություն էր հայտնում ոստիկնությանը փայլուն աշխատանքի համար, ընդդիմադիր պատգամավորն ասաց. «Ես զարմանում եմ, թե առողջապահության նախարարը մինչեւ հիմա ոնց է քնում: Այս առողջապահության նախարարն է, որը պատասխանատու է այն պատկերի համար, որը մենք տեսանք ամիսներ առաջ, երբ հայրենիքի համար նահատակվածների մասունքները պահվում էին այն պայմաններում, որով պահվում էին: Ամեն անգամ աչքը թարթելուց առաջ այդ պատկերը պետք է իր դեմը գա: Մի խորհուրդ էլ, երբ իրենց էդ տեքստերը տալիս են, հորդորում եմ կցեն պահպանության ծառայություն: Փողոցներով քայլելիս կարող է զոհվածների հարազատների նյարդերն ուղղակի չդիմանան ձեր դեմքը տեսնելուց»:
Ավելի վաղ NEWS.am-ը հայտնել էր, որ «Մարիոթ» հյուրանոցային համալիրում այս պահին ընթանում է«Դատական իշխանությունը՝ որպես ժողովրդավարության երաշխավոր» երկօրյա խորհրդաժողովը:
Ելույթ են ունենալու ՍԴ նախագահ Արման Դիլանյանը, ԲԴԽ նախագահի ԺՊ Գագիկ Ջհանգիրյանը, միջազգային իրավական հարցերով ՀՀ ներկայացուցիչ Եղիշե Կիրակոսյանը, ՍԴ դատավոր Վահե Գրիգորյանը, արդարադատության նախարար Կարեն Անդրեասյանը, ԵՄ պատվիրակության ղեկավար Անդրեա Վիկտորինը, ԵԽ գրասենյակի ղեկավար Մարտինա Շմիդտը, Վենետիկի հանձնաժողովի նախագահ Կլեր Բազի-Մալորին, ԵԽ պաշտոնյաներ, Լիտվայի ՍԴ նախագահը, եվրոպացի այլ պատվիրակներ։
Ներկա են լինելու արեւմտյան դեսպանները, սահմանադրական բարեփոխումների խորհրդի անդամները, Էդմոն Մարուքյանը, Ռուբեն Ռուբինյանը, Վլադիմիր Վարդանյանը, Կոռուպցիայի կանխարգելման հանձնաժողովի նախագահ Հայկուհի Հարությունյանը եւ այլք, հիմնականում՝ իշխանական դեմքեր։
Միջւոցառմանը հրավիրված չէ ընդդիմությունը, նաեւ Դատավորների միության նախագահ Ալեքսանդր Ազարյանը: Միջոցառումը փակ է լրագրողների համար։