Ամերիկաների գագաթաժողովին հինգ փաստաթուղթ կընդունի

Ամերիկաների գագաթաժողովը նիստից հետո հինգ փաստաթուղթ կընդունվի, այդ թվում՝ միգրացիայի, կորոնավիրուսային համավարակի եւ այլ հարցերի վերաբերյալ։ Այս մասին հայտարարել է ԱՄՆ վարչակազմի բարձրաստիճան ներկայացուցիչը՝ երկուշաբթի ելույթ ունենալովԼոս Անջելեսում բացվող Ամերիկաների գագաթաժողովին նվիրված հատուկ հեռախոսային ճեպազրույցի ժամանակ:

«Գագաթաժողովը մեզ համար հնարավորություն է ամբողջ կիսագնդով հավաքվելու եւ տարածաշրջանի ժողովուրդների համար առանցքային խնդիրներին անդրադառնալու համար, այդ թվում՝ տնտեսական բարգավաճման, կլիմայի փոփոխության, միգրանտների ճգնաժամի եւ COVID-19 համավարակի հետ կապված խնդիրների»,- ասել է նա:

«Միացյալ Նահանգները եւ տարածաշրջանի կառավարությունները վերջին մի քանի ամսվա ընթացքում ջանասիրաբար աշխատել են հինգ հիմնական ոլորտներում քաղաքական պարտավորությունների շուրջ կիսագնդային կոնսենսուսի հասնելու համար՝ ժողովրդավարական կառավարում, առողջություն եւ կայունություն, կլիմայի փոփոխություն եւ շրջակա միջավայրի կայունություն, մաքուր էներգիային անցում եւ թվային տրանսֆորմացիա: Հինգ փաստաթուղթ կընդունվի, որոնք կարտացոլեն հավակնոտ կոնսենսուսը կիսագնդում բոլոր հարցերի շուրջ՝ քաղաքացիական հասարակությունից մինչեւ թվային կապերի ամրապնդում»,- հավելել է պաշտոնյան:

«Ինչ վերաբերում է միգրացիային, ապա նախագահն (ԱՄՆ նախագահ Ջո Բայդենը) ուրբաթ կհանդիպի տարածաշրջանի կառավարությունների ներկայացուցիչների հետ՝ Լոս Անջելեսի Միգրացիայի մասին հռչակագիրը ստորագրելու համար։ Սա աննախադեպ եւ հավակնոտ քայլ է Միացյալ Նահանգների եւ տարածաշրջանային գործընկերների կողմից՝ համախմբվելու եւ միգրացիոն ճգնաժամին համապարփակ արձագանքելու համար»,- պատմել է ճեպազրույցի վարողը:

Նա հայտնել է, որ ԱՄՆ «նախագահը կհայտարարի նաեւ տարածաշրջանում պարենային անապահովության դեմ պայքարի համար ավելի քան 300 միլիոն դոլարի օգնության մասին»։