Թուրքական լիրան արժեզրկվել է՝ հասնելով վեցամսյա նվազագույնին

Թուրքիայի ազգային արժույթը երկուշաբթի թուլացել է՝ հասնելով մեկ դոլարը 16,6 լիրայի, ինչը ռեկորդային մակարդակ է անցած տարվա դեկտեմբերից հետո, տեղեկացրել է Dunya թերթի պորտալը։

Լիրան անցած շաբաթը փակել է մեկ դոլարը 16,44 լիրա մակարդակում, հիշեցրել է պարբերականը։

Վերլուծաբանների տվյալներով՝ թուրքական լիրան տարեսկզբից արժեզրկվել է ավելի քան 20 տոկոսով, եւ այդ միտումը կպահպանվի, եթե տեղի իշխանությունները չվերանայեն տոկոսադրույքների քաղաքականությունը։ Թուրքիայի կենտրոնական բանկն անցած տարեվերջից շաբաթական ռեպոյի աճուրդներում անփոփոխ՝ 14 տոկոսի մակարդակում է պահում տոկոսադրույքը, եւ ինչպես տեղեկացրել է Թուրքիայի ֆինանսների նախարար Նուրեդդին Նեբաթին, առայժմ չի ծրագրում փոխել այն։

Նախարարը, որին երկուշաբթի մեջբերել է Milliyet թերթը, նաեւ տեղեկացրել է, որ Թուրքիայում գնաճի մակարդակը ընթացիկ տարեվերջին կլինի 48-49 տոկոս։ Մայիսին գնաճը Թուրքիայում, պաշտոնական տվյալներով, կազմել է 73,5 տոկոս՝ ոչ պաշտոնական տվյալներով՝ 160 տոկոս։