Զանգվածային հրաձգություն Ֆիլադելֆիայում. զոհվել է 3, վիրավորվել 11 մարդ

Ֆիլադելֆիայում տեղի ունեցած հրաձգության հետեւանքով զոհվել է 3, վիրավորվել 11 մարդ, տեղեկացրել է Reuters-ը՝ հղում կատարելով ոստիկանությանը։

Հրձիգը շաբաթ օրը կեսգիշերին մոտ կրակ է բացել Ֆիլադելֆիայի մարդաշատ Հարավային փողոցում, որտեղ գտնվում են բազմաթիվ բարեր եւ ռեստորաններ։ Երկու տղամարդ եւ մեկ կին սպանվել են, տեղեկացրել են պաշտոնատար անձինք։

«Այնտեղ հարյուրավոր մարդիկ կային, որոնք պարզապես վայելում էին Հարավային փողոցը, ինչպես եւ բոլոր հանգստյան օրերին, եւ ահա այդ ժամանակ էլ տեղի է ունեցել հրաձգությունը»,- ասել է Ֆիլադելֆիայի ոստիկանության տեսուչ Դ.Ֆ. Փեյսը։

Ֆիլադելֆիայի ոստիկանները մի քանի ակտիվ հրձիգների են տեսել, որոնք կրակում էին ամբոխի ուղղությամբ», ընդ որում՝ սպան ամբոխի վրա կրակող մարդուց 10-15 յարդ հեռավորության վրա էր, տեղեկացրել են ոստիկանությունում։ Նրանց խոսքով՝ այդ սպան կասկածյալի ուղղությամբ կրակ է բացել։

Կրակողների գտնվելու վայրը դեռ չի ճշտվել, նշել է Փեյսը։ Պատահարի վայրում գտնվել է երկու ատրճանակ։