Թրամփի նախկին խորհրդականը ձերբակալվել է Կապիտոլիումի գրոհի գործով համագործակցությունից հրաժարվելու համար

Սպիտակ տան նախկին խորհրդական Փիթեր Նավարոյին մեղադրել են Կոնգրեսի հանդեպ անհարգալից վերաբերմունքի մեջ՝ անցյալ տարի ԱՄՆ Կապիտոլիումի գրոհի հետաքննության հետ կապված համագործակցությունից հրաժարվելու համար, հայտնում է BBC-ն:

Պիտեր Նավարոն Թրամփի երկրորդ օգնականն է, որը ձերբակալվել է հարձակումը հետաքննող Կոնգրեսի հանձնաժողովի օրինական պահանջը չկատարելու համար:

Դատարանում 72-ամյա Նավարոն դատախազներին եւ ՀԴԲ-ին մեղադրել է անհամաչափ գործողությունների մեջ: Նրան մեղադրանքը ներկայացվել է մեկ շաբաթ առաջ այն բանից, երբ հանձնաժողովը պետք է սկսի հետաքննության վերաբերյալ հեռուստատեսային լսումները:

ԱՄՆ Ներկայացուցիչների պալատի հանձնաժողովը, որը բաղկացած է յոթ դեմոկրատներից եւ երկու հանրապետականներից, ավելի քան 1000 վկաների հարցում է անցկացրել:

Սթիվ Բենոնը, որը ԱՄՆ նախկին նախագահ Դոնալդ Թրամփի գլխավոր ստրատեգն էր, անցյալ տարվա նոյեմբերին նույնպես մեղադրվել է Կոնգրեսի հանդեպ անհարգալից վերաբերմունքի մեջ այն բանից հետո, երբ նա նույնպես չի գնացել դատարան:

Նավարոյին մեղադրանք է առաջադրվել 2021 թվականի հունվարի 6-ին ԱՄՆ Կապիտոլիումի անկարգությունները հետաքննող հանձնաժողովին ապացույցներ կամ փաստաթղթեր տրամադրելուց հրաժարվելու համար:

Նավարոն ուրբաթ օրը Վաշինգտոնում կայացած լսումների ժամանակ իրեն մեղավոր չի ճանաչել: Թրամփի նախկին օգնականին սպառնում է մինչեւ երկու տարվա ազատազրկում կամ տուգանք։