ԱՄԷ-ի և Սաուդյան Արաբիայի նախարարները դեմ են NOPEC-ի օրինագծին՝ հայտարարելով, որ այն կբարձրացնի նավթի գները

ՕՊԵԿ-ի բարձրաստիճան նախարարները դեմ են արտահայտվել ԱՄՆ-ի նոր օրինագծին, որն ուղղված է արդյունահանման կարգավորմանը՝ հայտարարելով, որ նման միջոցներն ավելի մեծ քաոսի կհանգեցնեն էներգետիկ շուկաներում:

ԱՄԷ-ի էներգետիկայի նախարար Սուհեյլ Ալ Մազրուին CNBC-ին ասել է, որ ՕՊԵԿ-ն անարդարացիորեն հարձակման է ենթարկվում էներգետիկ ճգնաժամի պատճառով, եւ ամերիկյան օրենսդիրների գործողությունները, որոնք ուղղված են ստեղծված արտադրական համակարգը խաթարելուն, կարող են բարձրացնել նավթի գները մինչեւ 300 տոկոս:

«Եթե դուք միջամտում եք այս համակարգին, պետք է հետեւեք, թե ինչ եք խնդրում, քանի որ քաոսային շուկայում դուք կստանաք 200 տոկոս կամ 300 տոկոս գների աճ, որը աշխարհը չի կարող հաղթահարել»,- ասել է Ալ Մազրուին:

ԱՄՆ Սենատի հանձնաժողովը հավանություն է տվել նոր երկկուսակցական օրինագծին, որն արգելում է նավթ արդյունահանող եւ արտահանող կարտելները (NOPEC), որը նշանակալի քայլ առաջ է տասնամյակների վաղեմության առաջարկում:

Օրինագիծը, որի նպատակն է պաշտպանել ԱՄՆ սպառողներին եւ ձեռնարկություններին էներգակիրների գների բարձրացումից, դաշինքը բաց կդարձնի հակամենաշնորհային դատական հայցերի համար՝ կապված մատակարարումների կրճատումների հետ, որոնք բարձրացնում են նավթի համաշխարհային գները:

Այն պետք է ընդունի Սենատի եւ Ներկայացուցիչների պալատի ամբողջ կազմը, նախքան կստորագրվի նախագահի կողմից:

ՕՊԵԿ-ը եւ նրա գործընկերները ճնշումների են ենթարկվել սպառող երկրների, այդ թվում՝ ԱՄՆ-ի եւ Ճապոնիայի կողմից՝ գների աճի եւ ինֆլյացիայի պայմաններում ավելի շատ հում նավթ չարդյունահանելու համար:

Ալ-Մազրուին խոստովանլ է, որ որոշ անդամների չի հաջողվել կատարել իրենց արտադրության քվոտաները, բայց հավելել է, որ դաշինքն իր ներդրումն է ունենում համաշխարհային պահանջարկը բավարարելու հարցում՝ շարունակվող աշխարհաքաղաքական ճնշումների, մասնավորապես՝ Ուկրաինայի պատերազմի պայմաններում:

«Մենք՝ ՕՊԵԿ+-ը, չենք կարող փոխհատուցել համաշխարհային կարիքների ամբողջ 100 տոկոսը»,- ասել է նա։ «Ինչքան արտադրում ենք, դա մեր բաժինն է։ Եվ, փաստորեն, մենք շատ ավելին ենք անում»։

Սաուդյան Արաբիայի էներգետիկայի նախարար արքայազն Աբդուլազիզ բեն Սալմանն ասել է, որ ՕՊԵԿ անդամները եւ ՕՊԵԿ անդամ չհանդիսացող երկրները պետք է միասին աշխատեն, որպեսզի հաղթահարեն շարունակվող էներգետիկ ճգնաժամը: «Ինձ շատ մտահոգում է այսօր գոյություն ունեցող ամբողջական էներգետիկ համակարգը»,- ասել է նա՝ պատասխանելով NOPEC-ի օրինագծի վերաբերյալ հարցին:

«Աշխարհը պետք է հավաքական, պատասխանատվությամբ եւ համակողմանիորեն աշխատի, որպեսզի ապահովի մեզ եւ փրկի համաշխարհային տնտեսությունը»,- հավելել է նա: