Սոնա Շահգելդյանի և Վարսայի կռվախնձորը
Հիշո՞ւմ եք տարիներ առաջ Աննա Խաչատրյանն ու Անի Քրիստին դարձել էին քննարկման թեմա' չկարողանալով կիսել "Կարոտ" երգը: Արդյունքում երկուսն էլ ձայնագրեցին այն, նկարահանեցին տեսահոլովակ... աղմուկը մարեց, իսկ մեզ մնաց այդ գեղեցիկ երգի երկու հրաշալի մեկնաբանություն' երկու պրոֆեսիոնալ ու հզոր երգչուհիների կատարմամբ:
Եվ ահա այս գարնանը, երբ Վարսան թողարկեց "Le reve brise" ("Փշրված երազ") երգի տեսահոլովակը, մեր շոուբիզնեսի "ծանր հրետանի" Սոնա Շահգելդյանը մեծ աղմուկ բարձրացրեց' նշելով, որ այդ երգն ի սկզբանե իր համար էր գրված, լուտանքներ ու մեղադրանքներ թափելով Վարսայի գլխին:
Օրեր առաջ Սոնան, մնալով հավատարիմ իր խոստմանը, հանդիսատեսի դատին ներկայացրեց "Le reve brise" երգի (երաժշտություն' Նարինե Զարիֆյան, խոսք'Զավեն Հարությունյան) իր մեկնաբանությունը' տեսահոլովակի տեսքով:
Այժմ երկու բառով տարբերությունների մասին: Իհարկե, ես ոչ երաժշտական քննաատ եմ, ոչ էլ պրոֆեսիոնալ վերլուծաբան, ուղղակի արտահայտում եմ միջին վիճակագրական երաժշտասերի կարծիք: Նախ ասեմ, որ տեսահոլովակի առումով Վարսան առջևում է: Վարսայի մոտ առնվազն կա կերպար, գույներ, պատմություն, հետաքրքիր սիմվոլիկ լուծումներ, իսկ ահա Սոնայի տեսահոլովակը կարծես Օպերայի և բալետի թատրոնի գովազդային հոլովակ լինի. ակնհայտ դիսոնանս կա երգի տրամադրության ու հոլովակի տրամաբանության միջև: Վոկալային առումով ոչինչ չեմ կարող ասել, երկուսն էլ իրենց բարձունքում են ու յուրօրինակ: Բայց ահա երգի տեքստի մատուցման առումով Սոնան զիջում է Վարսային' իր վառ արտահայտված երբեմն սխալ շեշտադրություններով. պարզ հասկացվում է, որ կատարողն ընդհանրապես չունի տվյալ լեզվի լեզվազգացողություն (սա կոնկրետ ֆրանսերենի մասնագետների կարծիքով): Մյուս կողմից, եթե վերաբերվենք այս երգերին զուտ կատարողական առումով, անկեղծ լինելու համար պիտի ասեմ, որ նախապատվությունս տալիս եմ Սոնայի կատարմանը' համարելով այն ավելի հզոր: Իսկ աշխատանքներն ընդհանուր վերցրած' տեսահոլովակ, ասելիք, գրիմ ու հագուստ, դրամատուրգիական լուծումներ ,ու այս ամենով պայմանավորված' արդյունքում Սոնայի կատարած աշխատանքն անհամեմատ կաղում է' զիջելով Վարսային:
ՀԳ. Ինչ եմ ուզում ասել, բարձրացրած աղմուկից հետո Սոնան պիտի քառակի, տասնակի ավելի լավ աշխատեր ու ներկայացներ էնպիսի մի գործ, որ քննադատությունների տեղ չմնար: Այլ կերպ ասած' խոսքը գործով ապացուցեր, ինչը, ցավոք, նրա մոտ չստացվեց:
ՀՀԳ. Ահա երկու հոլովակների հղումները, որպեսզի կարողանաք դուք էլ տեսնել ու կարծիք կազմել երկու աշխատանքների մասին:
Սոնա Շահգելդյան' http://www.youtube.com/watch?v=UFl-2LD2NzM
Վարսա' http://www.youtube.com/watch?v=ds0u4F30Ja8
Յա Շա. ֆեյսբուք: