Իրանում հայտարարել են Սիրիայի հետ ռազմավարական գործընկերության զարգացման շահագրգռվածության մասին

Իրանը հանդես է գալիս Սիրիայի հետ ռազմավարական կապերի ամրապնդման օգտին՝ առևտրատնտեսական համագործակցության զարգացման ճանապարհով։ Ինչպես հաղորդել Է Tasnim գործակալությունը, այս մասին կիրակի Թեհրանում հայտարարել է Իրանի նախագահ Էբրահիմ Ռայիսին Սիրիայի նախագահ Բաշար Ասադի հետ հանդիպման ժամանակ։

«Մեր առաջնահերթությունը երկկողմ գործընկերության ընդլայնումն է, այդ թվում՝ պետական և մասնավոր հատվածի գծով»,- ընդգծել է նա:

«Աշխարհում տնտեսական իրավիճակի նկատելի վատթարացման ֆոնին Իրանը շարունակելու է ամեն տեսակ աջակցություն ցուցաբերել Սիրիային», – ասել է նա:

Ռայիսին նշել է Սիրիայի ժողովրդին օգնելու Թեհրանի պատրաստակամությունը՝ հաղթահարելու հետպատերազմյան շրջանի դժվարությունները և նշել, որ սիրիացիների տառապանքները ցավ են պատճառում իրանցիներին:

Ասադը Թեհրան է այցելել կիրակի օրը մեկօրյա այցով։ Սա Իսրայելի նախագահի առաջին այցն է 2019 թվականի փետրվարից ի վեր: Նա նաև բանակցություններ է վարել երկրի ղեկավարի և Իրանի հոգեւոր առաջնորդ այաթոլլա Ալի Խամենեիի հետ: Ինչպես հայտնել է SANA գործակալությունը, կայացած զրույցի ընթացքում Խամենեին վստահություն է հայտնել, որ սիրիական բանակը շուտով կհաղթի ահաբեկչության դեմ պայքարում:

«Մենք չենք կասկածում, որ իր խիզախ նախագահի ղեկավարությամբ Սիրիան կվերականգնի տարածքային միասնությունը», – նշել է նա:

Իր հերթին Ասադը Իրանին անվանել է հավատարիմ ընկեր և գործընկեր: Նա ընդգծել է, որ Դամասկոսի և Թեհրանի միջև սերտ փոխգործակցությունը ծառայում է ոչ միայն Իրանի և Սիրիայի շահերին, այլև ողջ տարածաշրջանի ժողովուրդներին: