Իլոն Մասկին մեղադրել են թռչունների հազվադեպ տեսակին վտանգի ենթարկելու մեջ

Ամերիկացի բնապահպանները պահանջում են, որպեսզի SpaceX-ը մեղմի կենդանիների վտանգված տեսակների համար վնասը Starship հրթիռի փորձարկման համար թույլտվություն ստանալուց առաջ։ Այս մասին հայտնում է CNBC հեռուստաալիքը՝ վկայակոչելով ԱՄՆ-ի Ձկնային ռեսուրսների եւ վայրի կենդանիների պահպանության ծառայության (FWS) փաստաթղթերը։

FWS-ի տվյալների համաձայն՝ Բոկա Չիկա տիեզերանավի տարածքում Charadrius տեսակի թռչունների թվի վերջին կրճատումը կարող է կապված լինել Տեխասում նոր տիեզերանավ կառուցելու SpaceX-ի գործունեության հետ:

Նոր Starship հրթիռի փորձնական արձակման համար ընկերությունը պետք է թույլտվություն ստանա ԱՄՆ Դաշնային ավիացիոն վարչությունից (FAA), եւ այդ թույլտվությունը տրամադրելու համար բնապահպանական վերանայման դրական որոշում է անհրաժեշտ:

Այս պահին FWS-ում կարծում են, որ «եթե SpaceX-ը շարունակի FAA-ի կողմից հաստատված նախագիծը, դա կազդի պահպանվող տեսակների հարյուրավոր ակր կենսամիջավայրի վրա՝ չնայած ամբողջությամբ չի ոչնչացնի դրանք»: Ամենամտահոգիչը տիեզերանավի ազդեցությունն է նշված թռչունների եւ կրիաների մի քանի տեսակների զուգավորման, միգրացիայի, առողջության վրա:

Խախտումներն ու վնասը կարող են առաջանալ ամեն ինչից՝ տրանսպորտային միջոցների կանոնավոր երթեւեկությունից մինչեւ աղմուկ, շոգ, պայթյուններ եւ բնակավայրերի ֆրագմենտացում, որոնք առաջանում են շինարարության, հրթիռների փորձարկումների եւ արձակումների հետեւանքով:

Փետրվարին Իլոն Մասկը հայտարարել էր, որ իր ընկերությունը կարող է Starship եւ Superheavy արձակման հարթակը տեղափոխել Ֆլորիդա, եթե Տեխասում նորմատիվ խոչընդոտներն անհաղթահարելի լինեն: