Կարեն Անդրեասյանը և նրա տեղակալ Արփինե Սարգսյանը 3 օրով գործուղվում են Թբիլիսի. Արման Խոջոյանն ու Իռա Փանոսյանը մեկնում են Հյուսիսային Մակեդոնիա

ՀՀ վարչապետ Նիկոլ Փաշինյանի որոշմամբ արդարադատության նախարար Կարեն Անդրեասյանն ու նրա տեղակալ Արփինե Սարգսյանը 3 օրով գործուղվում են Թբիլիսի:

Որոշման մեջ ասվում է. «Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի՝

1. Հայաստանի Հանրապետության արդարադատության նախարար Կարեն Անդրեասյանին և Հայաստանի Հանրապետության արդարադատության նախարարի տեղակալ Արփինե Սարգսյանին 2022 թվականի մայիսի 1-ից 3-ը գործուղել Վրաստան (Թբիլիսի)՝ Հայ-վրացական իրավական համագործակցության չորրորդ

ֆորումին մասնակցելու նպատակով:

2. Ընդունել ի գիտություն, որ Կարեն Անդրեասյանի և Արփինե Սարգսյանի՝ Վրաստան (Թբիլիսի) գործուղման ծախսերը կատարվելու են դոնոր կազմակերպության և հրավիրող կողմի միջոցների հաշվին:

3. Հայաստանի Հանրապետության արդարադատության նախարարին՝ գործուղումից վերադառնալուց հետո եռօրյա ժամկետում Վրաստան գործուղման

արդյունքների մաuին հաշվետվությունը ներկայացնել Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն:

ՀՀ վարչապետ Նիկոլ Փաշինյանի որոշմամբ Էկոնոմիկայի փոխնախարար Արման Խոջոյանը եւ նույն նախարարության գյուղատնտեսական ծրագրերի մշակման, ռեսուրսների օգտագործման, կոոպերացիայի զարգացման վարչության պետ Իռա Փանոսյանը գործուղվում են Հյուսիսային Մակեդոնիա:

Որոշման մեջ ասվում է.

«Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասով՝

1. Հայաստանի Հանրապետության էկոնոմիկայի նախարարի տեղակալ Արման Խոջոյանին և Հայաստանի Հանրապետության էկոնոմիկայի նախարարության գյուղատնտեսական ծրագրերի մշակման, ռեսուրսների օգտագործման, կոոպերացիայի զարգացման վարչության պետ Իռա Փանոսյանին 2022 թվականի մայիսի 25-27-ը գործուղել Հյուսիսային Մակեդոնիայի Հանրապետություն (Սկոպիե)՝ Միացյալ ազգերի պարենի և գյուղատնտեսության կազմակերպության Եվրոպայի և Կենտրոնական Ասիայի տարածաշրջանային գրասենյակի կողմից կազմակերպվող «LANDNET» 13-րդ միջազգային աշխատաժողովին մասնակցելու նպատակով:

2. Ընդունել ի գիտություն, որ գործուղման հետ կապված բոլոր ծախսերը կատարվելու են հրավիրող կողմի միջոցների հաշվին։

3. Հայաստանի Հանրապետության էկոնոմիկայի նախարարին` ապահովել գործուղումից վերադառնալուց հետո եռօրյա ժամկետում Հյուսիսային Մակեդոնիայի Հանրապետություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը։