Որդեկորույս ծնողները հասկացան, որ իրենց որդիների գլուխը կերել է հենց այդ մարդը․ Սայաթ Շիրինյան

«Ես կարծում եմ, որ մեր հասարակությունը արդեն տեսնում է այն ընդվզումները, որոնք սկսվել են ամբողջ հանրապետությունում, և այդ ընդվզումները այլևս կասեցնել հնարավոր չէ։

Ես կարծում եմ, որ այս ամեն ինչին շատ օգնեց հենց ինքը՝ ստահակը, երբ ԱԺ-ում ասաց՝ կարող էի պատերազմը կանգնեցնել, բայց չկանգնեցրի, այսինքն՝ որդեկորույս ծնողները հասկացան, որ իրենց որդիների գլուխը կերել է հենց այդ մարդը։

Փաշինյանի կինն ասում էր, որ այդ զոհերը եղել են հանուն ոչնչի, ամուսինն էլ երևի կնոջ թասիբն էր ուզում պահել։ Պարզվեց՝ հանուն ոչնչի մեր այդ մի քանի հազար երիտասարդները՝ պայծառ տղաները, զոհվեցին»։

Այս մասին այսօր Oragir.news-ի հետ զրույցում ասաց Սայաթ Շիրինյանը։ «Ես մինչև հիմա դրա բանաձևը չեմ կարողանում գտնել, թե ինչպես ստացվեց, որ ոստիկանը դարձավ ցուցարարինը։ Որ իրենք հպարտորեն ասում են՝ ոստիկանը մերն է, իսկ ոստիկանն ապացուցեց, որ ժողովրդինն է։ Իսկ հիմա այդ նույն մարդը, որը 2008 թ․ սադրեց բախումներ ոստիկանության հետ, և մենք 2 փառահեղ տղաներ կորցրինք։

Կարծես թե այդ ոստիկանները իրենց հիշողությունը, արժանապատվությունը կորցրել են։ Եթե քո գործընկերոջը սպանել են քո աչքի առաջ, և հրաման տվողը եղել է Փաշինյան Նիկոլը, դու այսօր Փաշինյան Նիկոլի հետևը գրկած ման ես գալիս, արժանապատվություն պետք է ունենաս»,- ասաց Շիրրինյանը

Տեսանյութ