Ռուսաստանում մեկնարկել է «Ս-500»-ների սերիական արտադրությունը

Ռուսաստանում մեկնարկել է «Ս-500» հակաօդային պաշտպանության նորագույն համակարգի («Պրոմեթեյ») սերիական արտադրությունը, հայտարարել է այս համալիրի «Ալմազ-Անթեյ» օդատիեզերական պաշտպանության ձեռնարկության գլխավոր տնօրեն Յան Նովիկովը, փոխանցում է «ՌԻԱ Նովոստի»-ն։

«Կազմակերպվել է «Ս-500» համակարգի զանգվածային արտադրությունը՝ հայրենական գիտության եւ տեխնիկայի վերջին ձեռքբերումների կիրառմամբ։ Այս համակարգի մարտական ​​հնարավորությունները զգալիորեն գերազանցում են նախկինում ստեղծված ՀՕՊ համակարգերի հնարավորությունները։ «Ս-500»-ն ի վիճակի է ռուսական օդատիեզերական պաշտպանության համակարգի հիմքը դառնալ։ Այն զորքերը կհամալրի պետական ​​պաշտպանության հրամանով սահմանված ժամկետներում»,- ասել է նա «Ազգային պաշտպանություն» ամսագրին տված հարցազրույցում։