Իրանի ԱԳՆ-ն կանչել է Շվեդիայի ներկայացուցչին Ղուրանի այրման կապակցությամբ

Շվեդիայի գործերի ժամանակավոր հավատարմատարը կիրակի օրը կանչվել է Իրանի ԱԳՆ՝ կապված «Կոշտ կուրս» արմատական կուսակցության ներկայացուցիչների կողմից Ղուրանի այրման հետ: Այս մասին հայտնում է IRNA գործակալությունը։

Շվեդիայի ներկայացուցիչը վճռական բողոք է հայտնել մահմեդականների համար Սուրբ Գրքի պղծման կապակցությամբ։ Իրանի ԱԳՆ-ում հայտարարել են միջադեպի համար Շվեդիայի կառավարության պատասխանատվության մասին, ինչպես նաև կոչ են արել Ստոկհոլմին շտապ միջոցներ ձեռնարկել և վերջ դնել նման ակցիաներին:

Անկարգություններ են սկսվել շվեդական Լինչեպինգում և Նորվեգիայում այն բանից հետո, երբ հայտնի է դարձել, որ դանիական «Կոշտ կուրս» աջ ծայրահեղական կուսակցության առաջնորդ Ռասմուս Պալուդանը մտադիր է այդ քաղաքներում անցկացնել հակաիսլամական ցույցեր ՝ Ղուրանի հրապարակային այրում: Մինչ այդ անկարգությունները տեղի են ունեցել Էրեբրա և Մալմյո քաղաքներում, որոնց ընթացքում վիրավորվել է առնվազն 12 ոստիկան, բացի այդմ հրկիզվել են հասարակական տրանսպորտը և մի քանի պարեկային մեքենաներ:

«Կոշտ կուրս» կուսակցությունը հիմնադրվել է 2017 թվականին ։ Այն հայտնի է YouTube-ում բազմաթիվ հակաիսլամական տեսանյութերով։ Քաղաքական գործիչը հրապարակավ այրել է Ղուրանը՝ դա անվանելով խոսքի ազատություն։ Նրա կուսակցությունը պահանջում է իսլամի արգելք և Դանիայից արտաքսել բոլոր «ոչ արևմտամետ անձանց, որոնց ապաստան է տրվել»: