Ռուս հայտնի հոկեյիստը ծեծել և տանից դուրս է վռնդել մոդել ընկերուհուն. մոդելի բացառիկ հարցազրույցը՝ ես նույնիսկ տոմսի գումար չունեմ
Սամարացի մոդել Եվգենիա Վավրինյուկը Life News-ին տված բացառիկ հարցազրույցում պատմել է հոկեյիստ Սեմյոն Վարլամովի հետ վեճի մասին: Մոդելի խոսքով՝ Վարլամովը արգելափակել է նրա բանկային քարտն, իսկ իրերը փողոց է նետել:
«Սեմյոնը շատ լավ խաղացող է, հնարավոր է և լավ մարդ, բայց նա լուրջ խնդիրներ ունի ալկոհոլի հետ,- պատմել է Եվգենիան: Այդ օրը մենք հյուրեր ունեինք: Սեմյոնն ընկերոջ հետ մոտ երկու արկղ գարեջուր խմեց: Դրանից հետո մենք գնացինք կորպորատիվ, նա այնտեղ նույնպես խմեց: Պատկերացրեք, թե նա ինչ վիճակում էր: Նա սկսել է խմել ցերեկը ժամը 7-ից մինչև մինչև հաջորդ օրվա առավոտը ժամը 6-ը»:
Մոդելը, սակայն, նշել է, որ հայտնի հոկեիստն ալկոհոլը չարաշահում է ոչ հաճախ: Միայն թե սպիրտի ազդեցության տակ, Եվգենիայի պատմածով, Սեմյոն Վարլամովը դառնում է ագրեսիվ և պարբերաբար ծեծում է իրեն:
«Դա առաջին անգամ չէ տեղի ունենում,-շարունակում է Եվգենիան:-Պարզապես այդ մասին ոչ ոք չգիտեր: Ես ունեի սպիտակ հեմատոմաներ: Որքա՞ն կարելի է դա հանդուրժել: Սա արդեն հինգերորդ դեպքն է, որ նա ինձ ծեծում է»:
Կոնֆլիկտը, որն առաջացել է սպորտսմենի և նրա ընկերուհու միջև, ռուս մոդելին զրկել է ապրուստի միջոցներից: Եվգենիա Վավրինյուկի խոսքով՝ Վարլամովն արգելափակել է նրա բանկային քարտն և փողոց նետել նրա իրերը:
«Նա պարզապես դեն նետեց իմ իրերը՝ թողնելով տան դիմաց: Նա արգելափակել է իմ բանկային քարտը: Այժմ ես ոչ մի տեղ չունեմ գնալու, ես նույնիսկ փող չունեմ, որպեսզի տոմս գնեմ Ռուսաստան վերադառնալու համար: Այժմ ես բնակվում եմ իմ փաստաբանի և նրա կնոջ բնակարանում»:
Սամարացի մոդելը հայտարարել է, որ չի պատրաստվում հաշտվել Սեմյոն Վարլամովի հետ: Չնայած այն ապրումներին, որ նա ունեցել է, Վարինյուկը պատրաստվում է իր նախկին զուգընկերոջ համար ամենադաժան պատիժը պահանջել:
«Ոչ, ես նրան այլևս չեմ սիրում,-խոսքը կտրել է Եվգենիան:-Այժմ իմ գլխավոր նպատակն այն է, որ նա օրենքով պատասխանատվություն կրի, որպեսզի դատարանը նրան մեղավոր ճանաչի: Ես ուզում եմ, որ նա պատասխան տա իր արածների համար, թող մտածի իր արարքների մասին»:
Life News-ը հիշեցնում է, որ ավելի վաղ Հասարակական պալատի ներկայացուցիչները հայտարարել են, որ պատրաստվում են ստուգել Եվգենիա Վավրինյուկի խոսքերի ճշմարտացիությունը, ով մեղադրել է հոկեյիստին: Հայտնի մարզիկին ԱՄՆ-ում կալանավորել են՝ սամարացի մոդել Եվգենիա Վավրինյուկի նկատմամբ ուժ կիրառելու կապակցությամբ:
Վարլամովը չի ժխտել իր մեղքը և կամավոր կերպով հանձնվել է ոստիկաններին: Հոկեյի ազգային լիգայի 25-ամյա աստղին սպառնում է 2-6 տարի ազատազրկում: Ավելի ուշ, Վարլամովին 5000 դոլար գրավի դիմաց ազատ են արձակել: