Կաննի 75-րդ կինոփառատոնի ծրագիրն արդեն հայտնի է

Հայտնի է դարձել Կաննի 75-րդ կինոփառատոնի ծրագիրը. Դիտումը տեղի կունենա 2022 թվականի մայիսի 17-ից 28-ը։

Մրցույթում ներկայացված է 18 ֆիլմ։ Դրանց թվում է Կիրիլ Սերեբրեննիկովի նոր ժապավենը՝ «Չայկովսկու կինը»։ Սա ռուս ռեժիսորի երրորդ աշխատանքն է, որը կպայքարի «Արմավենու ճյուղ»-ի համար։

Սերեբրեննիկովի մրցակիցների թվում է Ալի Աբասին՝ «Սուրբ սարդ» նախագծով։ Նա հայտնի է «Աշխարհների սահմանին» ֆանտաստիկ դրամայով, որտեղ գլխավոր հերոսուհի Թինան պատահաբար պարզել է, որ ինքը մարդ չէ, այլ իրական տրոլ։ Երկրի վրա նրա տեսակի ներկայացուցիչներն այնքան էլ շատ չեն մնացել՝ նա կանացի երջանկություն գտնելու շատ քիչ հնարավորություններ ունի։ Ժապավենն ընտրվել է «Օսկարի» մրցույթին մասնակցելու համար «Լավագույն օտարալեզու ֆիլմ» անվանակարգում, սակայն չի ընդգրկվել լավագույն հնգյակում։

«Ոսկե արմավենու ճյուղի» մեկ այլ հավակնորդ է Վալերիա Բրունի-Տեդեսկիի Les Amandiers (Նուշի ծառերը) ֆիլմը: Ռեժիսորը հայտնի է նաև որպես դերասանուհի, նա նկարահանվել է Քլեր Դենիի, Ֆրանսուա Օզոնի և այլոց ֆիլմերում։