Կինը, որը Սնուփ Դոգին մեղադրել է սեռական բռնության մեջ, հետ է վերցրել իր հայցը

Ամերիկացի ռեփեր եւ պրոդյուսեր Սնուփ Դոգին բռնության մեջ մեղադրած կինը հետ է վերցրել իր հայցը, հայտնում է Rolling Stone-ը։

Փետրվարին նա այն ներկայացրել է Կալիֆորնիայի շրջանային դատարան։ Ըստ հայցվորի՝ 2013 թվականի մայիսի 29-ին նա մասնակցել է երաժշտի համերգներից մեկին Կալիֆորնիայի Անահեյմ քաղաքում։ Կինը պնդել է, որ շոուից հետո նախկին կավատ եւ Սնուփ Դոգի վաղեմի ընկեր՝ Բիշոփ Դոն Մեջիկ Խուանն առաջարկել է իրեն տուն ճանապարհել: Նա ասել է, որ մեքենայում քնել է, իսկ երբ արթնացել է, ոչ թե իր տանն է եղել, այլ տղամարդու։ Դրանից հետո կինը պատմել է, որ երկուսն էլ տարբեր ժամանակներում ստիպել են իրեն օրալ սեքսով զբաղվել։

Կինը մոտ 10 մլն դոլար է պահանջել, սակայն դա մերժվել է։ Չնայած հայցը հետ վերցնելուն, նա չի հրաժարվում մեղադրանքից։ Նա կարող է նորից դատի տալ:

Արտիստի խոսնակն ասել է, որ հայցվորի պնդումները լի են «կեղծ հայտարարություններով եւ բացերով»: