Ժամանակն է, որպեսզի Ուկրաինայի ղեկավարները դադարեն վիրավորել Հունգարիային. Պետեր Սիյարտո

Ժամանակն է, որպեսզի Ուկրաինայի ղեկավարները դադարեն վիրավորել Հունգարիային եւ ճանաչեն հունգար ժողովրդի կամքը։ Այս մասին ֆեյսբուքյան իր էջին գրել է Հունգարիայի արտգործնախարար Պետեր Սիյարտոն՝ հայտնելով, որ Ուկրաինայի դեսպանը կանչվել է ԱԳՆ։

Սիյարտոն նշել է, որ ուկրաինական պատերազմի հենց սկզբից Հունգարիայի դիրքորոշումը շատ հստակ էր։ «Մենք դատապարտում ենք ռազմական ագրեսիան, պաշտպանում ենք Ուկրաինայի ինքնիշխանությունը, թույլ ենք տալիս հարյուր հազարավոր փախստականների փախնել եւ հարյուրավոր տոննա պարենամթերք եւ այլ նվիրատվություններ ենք մատակարարում Հունգարիայի օգնության շրջանակներում: Միեւնույն ժամանակ, իհարկե, մեզ համար առաջնային նշանակություն ունի Հունգարիայի եւ հունգար ժողովրդի անվտանգությունը։ Դա մեր պատերազմը չէ, ուստի մենք մի կողմում կմնանք: Մենք չենք ցանկանում վտանգել հունգար ժողովրդի խաղաղությունն ու անվտանգությունը, ուստի զենք չենք մատակարարի եւ կողմ չենք քվեարկի էներգետիկ պատժամիջոցներին»։

«Կիրակի հունգար ժողովուրդը հայտնեց իր հստակ կարծիքը եւ հստակ որոշում կայացրեց այս բոլոր հարցերի վերաբերյալ։ Կարծում եմ, որ դա բավականին պարզ եւ հասկանալի է... Սակայն ոչ ոք չի կարող իրեն թույլ տալ որակել հունգար ժողովրդի ժողովրդավարական որոշումը: Տոտալիտար ռեժիմների հաստատման, պատերազմին մեղսակցության եւ հունգար ժողովրդի կամքի համար ափսոսանքի մասին հայտարարություններն անընդունելի են։ Ժամանակն է, որպեսզի ուկրաինացի առաջնորդները դադարեն վիրավորել Հունգարիային եւ ճանաչեն հունգարացի ժողովրդի կամքը»,- ասել է նա։