Ոստիկանները բերման ենթարկեցին երկու տղամարդու. «Մերսեդեսից» ապակյա տարա էին նետել. Նրանց մոտ թմրանյութ կար

Մարտի 30-ին ոստիկանության Ջերմուկի բաժնի ծառայողները ապօրինի թմրաշրջանառության հերթական դեպքը բացահայտեցին։

Ոստիկանությունից հայտնում են, որ ժամը 18-ի սահմաններում քրեական հետախույզները Ջերմուկ տանող ճանապարհից, «Դոջ» և «Մերսեդես» մակնիշի մեքենաներով հանդերձ, բերման ենթարկեցին Երևանում և Գորիսում հաշվառված երկու տղամարդու, որոնցից մեկը՝ 38, մյուսը՝ 40 տարեկան:

Ոստիկաններին տեսնելով՝ Գորիսի 40-ամյա բնակիչը «Մերսեդեսից» ապակյա տարա էր նետել: «Դոջի» զննությամբ հայտնաբերվեց ապակյա մեկ այլ տարա՝ ամֆետամին թմրամիջոցի նմանվող զանգվածով:

Երևանցի տղամարդու անձնական խուզարկությամբ հայտնաբերվեց 20 սմ երկարությամբ գաղտնի փականով դանակ:

Մեքենաները տեղափոխվել են բաժնի հատուկ պահպանվող տարածք:

Նշանակվել են փորձաքննություններ:

Հանգամանքները պարզվում են։