Համաշխարհային ֆոնդային ինդեքսները վերջին վեցշաբաթյա առավելագույններից հետո իջել են

Վեցշաբաթյա առավելագույններից հետո համաշխարհային ֆոնդային ինդեքսներն, Ուկրաինայում պատերազմի առիոթով երկյուղների եւ ռեցեսիայի ռիսկերի ֆոնին, ավելի են իջել, նավթի մեկ բարելն էժանացել է 2 դոլարով՝ պահեստարանները բացելու պատճառով, տեղեկացրել է Reuters-ը։

Ռուսական գազի եվրոպական գնորդները բախվել են դեդլայն ժամկետի, որպեսզի ապրիլի 1-ից սկսեն վճարել ռուբլով։

«Ռեցեսիայի վտանգը որոշ երկրներում, ինչպիսին է Գերմանիան, գազի մատակարարումների դադարեցման պատճառով զգալի կլինի»,- ասել է Nordea Asset Management-ի ավագ մարկետոլոգ Սեբաստիան Գալին։

Նա ավելացրել է, որ «Ռուսաստանն ըստ էության լցակայան է։ Եթե լցակայանն իր արտադրանքը չի վաճառում, սնանկանում է»։

Պատերազմը նաեւ սպառնում է խախտել պարենի գլոբալ մատակարարումները. ԱՄՆ-ի կառավարության ներկայացուցիչը լուսանկարներ է ցուցադրել, որոնք, ըստ նրա, վկայում են ուկրաինական ցորենի շտեմարանների վնասվելու մասին։

MSCI-ի բաժնետոմսերի գլոբալ ինդեքսը ընկել է 0,17 տոկոսով՝ 710,22 չորեքշաբթի օրվա առավելագույն՝ 724-49-ի համեմատ։

Ամերիկյան S&P-ի ֆյուչերսներն ավելացել են 0,29 տոկոսով, այն դեպքում, երբ FTSE-ի եվրոպական բաժնետոմսերն ու բրիտանական ինդեքսը մնացել են կայուն։

BoFA-ի ստրատեգները հայտարարել են, որ ռեցեսիայի վտանգը խիստ կբարձրանա առաջիկա ամիսներին, քանի որ «կենտրոնական բանկերի էքսցեսների, Ուոլ սթրիթի գնաճի ցլային դարաշրջանը եւ գլոբալացումը ավարտվում են»։

Դրա փոխարեն «սկսվում է պետական միջամտության, սոցիալական եւ քաղաքական բեւեռացման, գնաճի եւ աշխարհաքաղաքական մեկուսացման արջի դարաշրջանը»,- ավելացրել են նրանք։

ԱՄՆ-ի եւ Եվրոպայի բաժնետոմսերը ցուցադրել են ամենամեծ եռամսյակային անկումը 2020թ. COVID-19-ի համավարակի սկսվելուց հետո։

Ասիա-Խաղաղօվկիանոսյան տարածաշրջանի MSCI-ի բաժնետոմսերի ինդեքսը Ճապոնիայի սահմաններից դուրս ուրբաթ ընկել է 0,34 տոկոսով։

Տոկիոյում Nikkei-ի ինդեքսը նվազել է 0,56 տոկոսով՝ գրանցելով 1,7 տոկոս շաբաթական անկում։

Ուրբաթ հրապարակված տվյալները ցույց են տվել, որ հումքի մատակարարումների խափանումները եւ գների աճը հանգեցրել են այն բանին, որ Ճապոնիայի գործարար վստահությունն անցած եռամսյակում նվազել է՝ հասնելով իննամսյա նվազագույնին։

Չինական «կապույտ խաղանիշները» բարձրացել են 1,27 տոկոսով՝ քաղաքականության մեղմման հույսի շնորհիվ։

Նավթի գները շարունակել են ընկնել ԱՄՆ-ի ռազմավարական պաշարների հսկայական բացթողումների մասին հայտարարությունից հետո եւ նավթ սպառող երկրների ուրբաթօրյա հանդիպման (սեփական պաշարները քննարկելու համար) նախաշեմին։

Ամերիկյան նավթի ֆյուչերսները նվազել են մեկ բարելի համար ավելի քան 2 դոլարով՝ 98,17 դոլար, իսկ Brent տեսակի նավթի ֆյուչերսները՝ 2 դոլարով (մեկ բարելը 102,66 դոլար)։

Նավթը պատրաստվում է ամենշաբաթյա անկման 14 տոկոսով, որն ամենակտրուկն է երկու տարվա ընթացքում, ավելի վաղ արձանագրած թռիչքից հետո, ինչը հիմնականում պայմանավորված է Ուկրաինայի հակամարտությամբ, երբ գներն ավելացել էին ավելի քան 30 տոկոսով։

Ներդրողներն անհանգստացած են, որ գնաճային ճնշումը կստիպի կենտրոնական բանկերին ագրեսիվ կերպով բարձրացնել տոկոսադրույքները, ինչը կարող է ռեցեսիա առաջացնել։