Ռուսաստանն Արևմուտքին առաջարկել է գազի դիմաց ռուբլով վճարելու ազնիվ սխեման. Լավրով

Ռուբլով գազի դիմաց Ռուսաստանի առաջարկած վճարման սխեման արդարացի է, հայտարարել է ՌԴ ԱԳ նախարար Սերգեյ Լավրովը, փոխանցում է «ՌԻԱ Նովոստի»-ն:

«Ինչ վերաբերում է Եվրոպա գազի մատակարարմանը, ապա մեր երկրի նախագահն այնպիսի պայմաններով է հրամանագիր ստորագրել, որոնք, իմ ընկալմամբ, ընդունելի են արեւմտյան երկրների համար։ Բանն այն է, որ մեզ վճարում են արտարժույթով, հետո կալանքի տակ են առնում մեր հաշիվները։ Այսինքն՝ այն սխեման, որն առաջարկվել է (Ռուսաստանի կողմից), արդար է։ Դա մեզ թույլ կտա վճարումները ռուբլով ստանալ»,- ասել է Լավրովը Նյու Դելիում կայացած ճեպազրույցի ժամանակ։

Նրա խոսքով՝ Ռուսաստանն ու Հնդկաստանը ճանապարհ կգտնեն Արեւմուտքի անօրինական միակողմանի պատժամիջոցների պատճառով առաջացած խոչընդոտները հաղթահարելու համար:

«Մենք պատրաստ կլինենք Հնդկաստանին ցանկացած ապրանք մատակարարել, որը նա կցանկանա գնել... Մենք ճանապարհ կգտնենք Արեւմուտքի անօրինական միակողմանի պատժամիջոցների պատճառով ստեղծված արհեստական ​​խոչընդոտները հաղթահարելու համար»,- ասել է նա։