на Русском
Լոս Անջելեսի հայ մասնագետների թիմը պատրաստ է ... 
Մանասյանն ընդունել է Equal Right Trust հիմնադ... 
Ուկրաինական ճգնաժամը սպառնում է իտալական տնտեսություններին
Իտալիայում գրեթե 100,000 գյուղատնտեսական ընկերություններ փակման վտանգ տակ են արտադրական ծախսերի լուրջ աճի պատճառով, որոնք զգալիորեն գերազանցում են ֆերմերների և անասնաբույծների կանխիկ մուտքերը: Այս մասին հաղորդվում է Coldiretti գյուղատնտեսական արտադրողների ասոցիացիայի զեկույցում, որը կազմվել է՝ հաշվի առնելով Ուկրաինայում Ռուսաստանի հատուկ ռազմական գործողության ազդեցությունը կորոնավիրուսային համաճարակի հետևանքով առաջացած ճգնաժամից հետո։ Հայտնում է ՏԱՍՍ-ը։
Զեկույցում ներկայացված տեղեկատվության համաձայն՝ ձեռնարկությունների մոտ 11%-ը «հայտնվել է այնպիսի ծայրահեղ վիճակում, որը հանգեցրել է գործունեության դադարեցմանը»։ Միևնույն ժամանակ, մոտ 30%-ը «դեռևս պետք է աշխատի բացասական եկամուտների պայմաններում, ինչը ազդում է ոչ միայն արտադրության, այլև զբաղվածության, շրջակա միջավայրի, կենսաբազմազանության և հողի կառավարման վրա»։
Նշվում է, որ ձեռնարկությունների ծախսերի ավելացման պատճառով ամենից շատ «տուժում են հացահատիկային կուլտուրաները՝ ցորենից մինչև եգիպտացորեն»։
Դժվարություններ են ապրում նաև կաթնամթերքի ֆերմաները և ընկերությունները, ինչպես նաև նրանք, որոնք ջերմոցներն օգտագործում են ծաղիկներ և բանջարեղեն աճեցնելու համար:
