Իտալացի գիտնականները թվայնացրել են XV դարի աշխարհի քարտեզը

Իտալացի գիտնականները թվայնացրել են XV դարի աշխարհի քարտեզը։ Այն ստեղծել է քահանա Ֆրա Մաուրոյի կողմից։ Այն այժմ հասանելի է համացանցում բարձր թույլտվությամբ, բացի այդ, քարտեզը հագեցած է իտալերեն, անգլերեն եւ չինարեն բացատրություններով եւ գրություններով, հաղորդում է The history Blog-ը։

Քարտեզը ստեղծվել է Իսոլայի Սան Միքելեի վանքում մոտ 1450թ․։ Դրա հեղինակը քարտեզագրության նկատմամբ բոլորովին նոր մոտեցում է կիրառել՝ հրաժարվելով Երուսաղեմում կամ Հռոմում կենտրոնացած աշխարհի զուտ խորհրդանշական պատկերացումներից, որոնք բնորոշ են այն ժամանակվա միջնադարյան եվրոպական քարտեզներին։

Աշխարհի քարտեզը հիմնված է Պտղոմեոսի աշխարհագրության եւ ժամանակակից ծովային գծապատկերների վրա եւ ներառում է հազարավոր ծանոթագրություններ, որոնք բխում են հին աղբյուրներից, ինչպես նաեւ միջնադարյան գիտնականների եւ հետազոտողների գրառումներից, ինչպիսիք են Մարկո Պոլոն եւ Նիկոլո դե Կոնտին: Բացի այդ, Ֆրա Մաուրոն հաշվի է առել ականատեսներից ստացված տեղեկությունները։ Քարտեզը գծված է վառ գույներով եւ խիտ լցված քաղաքների, ամրոցների, ճանապարհների, նավերի եւ նույնիսկ խորտակված նավերի պատկերագրական պատկերներով:

Քարտեզը ցուցադրվել է վանքում եւ արագ դարձել Վենետիկի` որպես համաշխարհային առեւտրի եւ արվեստի ծաղկող կենտրոնի կարգավիճակի խորհրդանիշ: Արտեֆակտն այնտեղ մնացել է 350 տարի՝ մինչեւ 1810թ․ Նապոլեոնի կողմից վանքերի լուծարումը։

Ֆրա Մաուրոյի աշխարհի քարտեզի թվային տարբերակը արտացոլում է դրա ստեղծողի ՝ տվյալների առատության ձգտումը։ Թվային քարտեզը ստեղծվել է Ֆլորենցիայում Գալիլեյի թանգարանի, Մարչիանա ազգային գրադարանի եւ Սինգապուրի Նանյան տեխնոլոգիական համալսարանի կողմից: