Լուկաշենկո. Ուկրաինայում տեղի ունեցող իրադարձությունների ֆոնին հացահատիկը նոր ոսկի կամ նավթ է դարձել

Բելառուսի նախագահ Ալեքսանդր Լուկաշենկոն կարծում է, որ ուկրաինական իրադարձությունների ֆոնին առավել քան երբեւէ կարևոր է հաջողությամբ իրականացնել ցանքարշավը, քանի որ հացահատիկն այսօր նոր ոսկի կամ նավթ է դարձել:

«Բելառուսի ցանքարշավն այս տարի կարեւոր է, քան երբեւէ։ Մենք դա անցկացնում ենք մեր հարավային սահմանների մոտ թեժ հակամարտության ֆոնին, ինչպես նաեւ Ռուսաստանի՝ որպես մեր հիմնական դաշնակցի եւ մեր հիմնական շուկայի վրա հսկայական պատժամիջոցների ճնշման համատեքստում, ածխաջրածինների, պարարտանյութերի եւ սննդամթերքի գների աննախադեպ աճի ֆոնին ամբողջ աշխարհում»,- երեքշաբթի գարնանային դաշտային աշխատանքների պատրաստակամության վերաբերյալ հանդիպմանը, հայտնում է ԲելՏա-ն։

Նրա խոսքով՝ հացահատիկն այսօր նոր ոսկի կամ նավթ է դարձել։

«Գուցե նույնիսկ ավելի թանկ: Եւ քանի որ աշխարհի գլխավոր մատակարարներից մեկը՝ Ուկրաինան, դժվար թե կարողանա լիարժեք ցանքարշավ իրականացնել, գները կշարունակեն աճել,- ասել է Լուկաշենկոն։- Աշխարհի ամենաաղքատ երկրներում ՄԱԿ-ն արդեն ոչ միայն կանխատեսում է, այլեւ ծրագրում է սովը»:

Լուկաշենկոն խնդիր է դրել այս տարի ավելացնել արտահանումն ու 9 մլն տոննա հացահատիկ արտադրել։ «Իհարկե, չպետք է մոռանալ արտահանման ավելացման մասին»,- ասել է պետության ղեկավարը։ Նրա խոսքով՝ 2021 թվականին արտասահմանյան շուկաներ մատակարարումներն աճել են ավելի քան 17 տոկոսով։ «Անցյալ տարի մենք ապրանքներ ենք ուղարկել 110 երկիր, դա ռեկորդային ցուցանիշ է, սակայն Բելառուսը բավարար պաշարներ ունի նաեւ արտահանման հետագա աճի համար»,- համոզված է նախագահը։ Նրա խոսքով, խնդիր է դրված 2022 թվականին մոտ 9 մլն տոննա հացահատիկ արտադրել։ «Պետք է կառավարությունում հստակ արձանագրել 9 մլն տոննա հացահատիկը, եւ հերիք է կանխատեսումներ անել, 700 հազար տոննա կանճրակ եւ 5 միլիոն տոննա շաքարի ճակնդեղ»,- ընդգծել է պետության ղեկավարը։