Ադրբեջանի պաշտպանության նախարարը մեկնել է Պակիստան

Ադրբեջանի պաշտպանության նախարար Զաքիր Հասանովը պաշտոնական այցով մեկնել է Պակիստան, հաղորդում են ադրբեջանական լրատվամիջոցները։

Հասանովի այցը տեղի է ունենում Պակիստանի միացյալ շտաբի պետերի կոմիտեի նախագահ, գեներալ Նադիմ Ռազայի հրավերով։ Նախատեսված են մի շարք հանդիպումներ։ Հասանովը որպես պատվավոր հյուր կմասնակցի նաեւ Պակիստանի ազգային օրվան նվիրված ռազմական շքերթին։